2020-09-25 12:06:16, 572 ნახვა
პოლიტიკა
კელი დეგნანი - შემაშფოთებელია წინასაარჩევნო პერიოდში ადამიანების დაშინება
აშშ-ს ელჩმა საქართველოში კელი დეგნანმა განაცხადა, რომ შემაშფოთებელია წინასაარჩევნო პერიოდში ადამიანების დაშინება.
დეგნანის თქმით, აღნიშნული ქმედება აუცილებლად დააზარალებს მოახლოებულ არჩევნებს.
„ვნახე სახალხო დამცველის ანგარიში, სადაც საუბარია დაშინებაზე და ძალადობაზე. შემაშფოთებელია ადამიანების დაშინება, რომ არაფერი ვთქვათ ძალადობაზე. ეს ქმედება აუცილებლად დააზარალებს მოახლოებულ არჩევნებს. კარგია, რომ ქვეყანაში არიან დამკვირვებლები, რომლებიც პროცესს აკვირდებიან და ახდენენ რეაგირებას“, - განაცხადა დეგნანმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
