„ევროპული საქართველოს“ ლიდერი, დავით ბაქრაძე, მიხეილ სააკაშვილის განცხადებას ეხმაურება.

დავით ბაქრაძის თქმით, როგორც ივანიშვილს, ისე სააკაშვილს, სურთ ერთპიროვნული და ერთპარტიული მმართველობა, სადაც ყველა იზიარებს ერთი პარტიის აზრს. ბაქრაძის თქმით, სწორედ ერთპიროვნულმა მმართველობამ მიიყვანა ქვეყანა მძიმე კრიზისამდე, ამიტომ ის და მისი გუნდი არ დაუჭერენ მხარს არც სააკაშვილს და არ ითანამშრომლებენ არც ივანიშვილთან.

„საუბარი იმაზე, რომ რომელიმე პოლიტიკურ გუნდს ვინმეს მხარდაჭერა მოუწევს, ნიშნავს იმას, რომ ნაციონალურ მოძრაობაში ვერ აცნობიერებენ რას ნიშნავს კოალიციური მთავრობა და კოალიციური შეთანხმება. არავის არაფერი არ მოუწევს, თუ ნაციონალური მოძრაობა აიღებს ხმების საკმარის უმრავლესობას, მათ შეეძლებათ ვინც სურსთ ის დაასახელონ პრემიერობის კანდიდატად, თუ ნაციონალურ მოძრაობას დასჭირდება სხვა პარტიების მხარდაჭერა იმისთვის, რომ იყოს ერთიანი ოპოზიციური პრემიერი, არავის არ მოუწევს, ვერავინ ვერაფერს ვერ აიძულებს ევროპულ საქართველოს და ჩვენი პოზიცია არის მკაფიო. ჩვენ ვართ ერთპარტიული და ერთპიროვნული მმართველობის წინააღმდეგი, ამ მმართველობამ შეიყვანა ქვეყანა ძალიან ღრმა კრიზისში, ამიტომ საუბარი იმაზე, რომ ქვეყანაში კიდევ უნდა იყოს ერთპარტიული მმართველობა, ნიშნავს იგივე კრიზისის გაგრძელებას.

ამ მიზეზით ჩვენ გამოვრიცხავთ შეთანხმებას ქართულ ოცნებასთან და ბიძინა ივანიშვილთან და ამავე მიზეზით არ ვუჭერთ მხარს მიხეილ სააკაშვილს. ასე რომ, ვერავინ ვერაფერს ევროპულ საქართველოს ვერ აიძულებს, კოალიციური მთავრობა ნიშნავს შეთანხმებას, ერთმანეთის პატივისცემას, ერთმანეთის აზრისთვის ანგარიშის გაწევას და ჩვენ აზრს და პოზიციას ჩვენ თავიდანვე ვაცხადებთ. ქვეყანაში ერთპარტიული, ერთპიროვნული მმართველობა, სისტემა, სადაც ერთი პარტია დომინირებს და აიძულებს სხვებს, რომ რაღაცაზე დაეთანხმოს, უნდა დასრულდეს, სწორედ ამას  ჰქვია გარდამტეხი ცვლილებები ამ არჩევნებზე და სწორედ ამისთვის ვიბრძვით ჩვენ ამ არჩევნებზე და თითოეულ ადამიანს, ვისაც აღარ უნდა ერთპარტიული მართვა და უნდა დაბალანსებული, გაწონასწორებული მთავრობა, სადაც არავინ არავის არაფერს არ აიძულებს და პირიქით, ყველა ერთმანეთს და საზოგადოების აზრს გაითვალისწინებს, ყველა ასეთ ადამიანს მოვუწოდებ, რომ ხმა მისცეს ევროპულ საქართველოს“, - განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო