პარლამენტში, აგრარულ საკითხთა და დარგობრივი ეკონომიკის კომიტეტის სხდომაზე, სადაც  სოფლის მეურნეობის მინისტრი ოთარ დანელია  საზოგადოებას "რთველი 2015"-ის მიმდინარეობის შესახებ ინფორმაციას აწვდის,  დეპუტატებს შორის სიტყვიერი დაპირისპირება მოხდა. საპარლამენტო უმრავლესობამ უმცირესობის დეპუტატი  გიორგი ღვინიაშვილი და მთლიანად "ნაციონალური მოძრაობა"  პროვოკაციულ ქმედებებში დაადანაშაულა. 
"ძალიან გულდასაწყვეტია ის ფაქტი, რაც მოხდა გორგი ღვინიაშვილთან დაკავშირებით, მაგრამ ჩემო ძვირფასებო,  არ გაქვთ თქვენ იმის უფლება, რომ იდგეთ ასეთი პრობლემების დროს და ნიანგის ცრემლები ღვაროთ ყურძენთან დაკავშირებით. როდესაც თქვენ აბსოლუტურად არ გადარდებთ. ისე არ გადარდებთ თქვენ ყურძნის ფასი, როგორც გლეხებს აფრიკაში ბანანის ფასი.თქვენ უბრალოდ გინდოდათ, რომ ეს პროვოცირება მოგეხდინათ და ძალიან გულდასაწყვეტია. არ გაქვთ მორალური უფლება, რომ მევენახეების გვერდით იდგეთ. მოვუწოდებ ყველას, მსგავსი ფაქტი არ განმეორდეს",-აღნიშნა საპარლამენტო უმრავლესობის წევრმა გელა გელაშვილმა.
მანვე სოფლის მეურნეობის მინისტრს მიმართა, მიეწოდებინათ ინფორმაცია, 9 წლის განმავლობაში  მევენახეობის კუთხით "ნაციონალურ მოძრაობას" რა თანხები აქვს ჩადებული.
ამ განცხადებებმა "ნაციონალური მოძრაობის" წევრი აკაკი ბობოხიძე გააღიზიანა. ზურაბ ტყემალაძემ მას სიმშვიდისკენ მოუწოდა, წინააღმდეგ შემთხვევაში, დარბაზის დატოვებით დაემუქრა.
ამასთან, ზურაბ ტყემალაძემ განაცხადა, რომ გიორგი  ღვინიაშვილთან დაკავშირებით, პრემიერ-მინისტრის გუშინდელი განცხადება, არასწორად იქნა გაგებული.
"პრემიერს სულ არ უხსენებია ღვინიაშვილი, ტექსტი გამომიგზავნეს ვნახე. მოაშორეთ პროვოკატორებიო,  კანონის სრული დაცვით, ასე თქვა.თუ თქვენ ღვინიაშვილი პროვოკატორი გგონიათ, ეს თქვენი პრობლემაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა