ჯანდაცვის მინისტრის, ეკატერინე ტიკარაძის განცხადებით, მიუხედავად იმისა, რომ აჭარაში კორონავირუსით ინფიცირებულთა რიცხვი იკლებს, არ არსებობს დამშვიდების საფუძველი.

როგორც მან აჭარის მთავრობის სხდომის შემდეგ, ბრიფინგზე განაცხადა, ეპიდემიოლოგებს ესაჭიროებათ სულ მცირე, 7 დღიანი კლების ციკლი, რის შემდეგაც ისაუბრებენ გავრცელებაზე.

„აღსანიშნავია, რომ იკვეთება რიცხვებში კლება, მაგრამ ეს არ არის დამშვიდების საფუძველი, ვინაიდან ეპიდემიოლოგებს ესაჭიროებათ სულ მცირე 7 დღიანი კლების ციკლი, რაც შემდეგ მოგვცემს საშუალებას, რომ ვისაუბროთ გავრცელებაზე. დღესდღეობით აჭარაში 126 ინფიცირებული ფიქსირდება, სიტუაცია კონტროლირებადია იმ მხრივ, რომ ეპიდემიოლოგები მუშაობენ მიკვლევადობაზე. ლაბორატორიული ქსელი ასევე აწარმოებს საქმიანობას და დღის ბოლოს გვექნება უფრო მკვეთრი სურათი“, - განაცხადა ჯანდაცვის მინისტრმა.

ცნობისთვის, დღეს საქართველოში კორონავირუსის 179 ახალი შემთხვევა გამოვლინდა, აქედან 126-ის წყარო აჭარას უკავშირდება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს