სასჯელაღსრულებისა და პრობაციის მინისტრი კახა კახიშვილი  ბერი ანდრიას სახელობის ფონდს ეწვია.  მინისტრმა  ფონდის ბენეფიციარები მოინახულა.

უწყების ინფორმაციით, მინისტრთან ერთად ფონდს სასჯელაღსრულებისა და პრობაციის სამინისტროს თანამშრომლებიც ესტუმრნენ, მათ საჩუქრად ფონდს საყოფაცხოვრებო ნივთები, ტკბილეული და ფულადი დახმარება გადასცეს.

 ბერი ანდრიას სახელობის ფონდი  5  წელია ეხმარება სოლიდური სიმსივნით დაავადებულ  ბავშვებს, მათ ოჯახებს ყველა იმ საქმეში, რაც  მკურნალობას, რეაბილიტაციას და სიცოცხლის ხარისხის გაუმჯობესებას ეხება.

დაარსებიდან დღემდე დახმარება  160 ბავშვს და მათ ოჯახს გაეწია. დღეისათვის მათი მზრუნველობის ქვეშ  45 ბავშვი იმყოფება, რომელთაგან 19 კონტროლზეა, რაც იმას ნიშნავს, რომ მათ ძვირადღირებულ კვლევებს ფონდი სრულად აფინანსებს.

ქიმიოთერაპიის მძიმე კურსის შემდეგ ბავშვი, დედა და ხშირ შემთხვევაში, მამა ან და-ძმები უფასოდ ცხოვრობენ ამ მიზნისთვის დაქირავებულ სარეაბილიტაციო სასტუმრო-სახლში, სადაც მათთვის ყველაფერი  უფასოა.

ფონდი ზრუნავს მათ ფსიქო-სოციალურ რეაბილიტაციაზე, განვითარებაზე და სიცოცხლის ხარისხის ამაღლებაზე.

ფონდი უზრუნველყოფს  მკურნალობის დასაფინანსებლად საჭირო საბუთების მოგროვება - მოწესრიგებას, კვლევების დროულად ჩატარებას და ბავშვების საჭირო მედიკამენტებით მომარაგებას.

სასჯელაღსრულებისა და პრობაციის სამინისტროს დახმარება და მხარდაჭერა ბერი ანდრიას ფონდისადმი ერთჯერადი არ არის და მომავალშიც გაგრძელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის