2020-08-31 16:26:53, 2889 ნახვა

---

მაჭავარიანი: სააგენტო „S&P"-ის მიერ საქართველოს საკრედიტო რეიტინგის შენარჩუნება მიანიშნებს იმაზე, რომ სტაბილური მაკროეკონომიკური და ფისკალური პოლიტიკა გვაქვს

სარეიტინგო სააგენტო "Fitch"-ის შემდეგ, უკვე მეორე სარეიტინგო სააგენტომ - „S&P"-მა საქართველოს საკრედიტო რეიტინგი "BB" დონეზე და ასევე, პერსპექტივა უცვლელი დატოვა, რაც კიდევ ერთხელ მიანიშნებს იმაზე, რომ ჩვენ საკმაოდ მყარი და სტაბილური მაკროეკონომიკური და ფისკალური პოლიტიკა გვაქვს, - აღნიშნა ფინანსთა მინისტრმა ივანე მაჭავარიანმა სარეიტინგო კომპანიის "S&P" – ის მიერ გამოქვეყნებული ანგარიშის შეფასებისას.

როგორც მან აღნიშნა, სარეიტინგო კომპანია ქვეყნის სუვერენული რეიტინგის ძლიერ მხარედ, საგარეო გამოწვევების მიუხედავად, ეკონომიკური მდგრადობის შენარჩუნებას ასახელებს.

„ანგარიშში ჩვენს ძლიერ მხარედ ასევე  დასახელებულია მყარი ინსტიტუციური მმართველობა. განსაკუთრებით დადებითად არის ნახსენები ის სამუშაო, რაც გავწიეთ დონორ ორგანიზაციებთან თანხების მოზიდვის კუთხით. შესაბამისად, ამ ფაქტორმაც იქონია გავლენა რეიტინგის შენარჩუნებაზე. ტრადიციულად, სუსტ მხარეებად დასახელებულია ჩვენი  მაღალი იმპორტდამოკიდებულება და შედეგად მიმდინარე ანგარიშის დეფიციტი. ამ ეტაპზე,  ორივე სააგენტომ საქართველოს რეიტინგი უცვლელი დატოვა. იმედს ვიტოვებ, რომ ჩვენი მაკროეკონომიკური და ფისკალური პოლიტიკა მოგვცემს საშუალებას, უახლოეს მომავალში ვიფიქროთ რეიტინგის ზრდაზე ერთი საფეხურით", - განაცხადა ფინანსთა მინისტრმა ივანე მაჭავარიანმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი