მეუფე ნიკოლოზის განცხადებით, სუროგაციის გზით დაბადებული ბავშვი ბედნიერი ვერ იქნება

2020-08-28 15:43:08, 3848 ნახვა

საზოგადოება

ახალქალაქისა და კუმურდოს მიტროპოლიტის, მეუფე ნიკოლოზის განცხადებით, სუროგაციის გზით დაბადებული ბავშვი ბედნიერი ვერ იქნება.

ამის შესახებ მან სიონის საკათედრო ტაძარში, ღვთისმშობლის მიძინების დღესასწაულთან დაკავშირებით, საზეიმო წირვის დასრულების შემდეგ ჟურნალისტებთან საუბრისას აღნიშნა.

მისივე თქმით, რამდენიმე ბავშვის სიკვდილი ერთის გადასარჩენად არასწორია.

„ერთი ბავშვის დაბადებას რამდენიმე ემსხვერპლება ხოლმე და რანაირად იქნება ის ბავშვი ბედნიერი. როდესაც ხელოვნური განაყოფიერება ხდება, ერთდროულად რამდენიმე კვერცხუჯრედი ნაყოფიერდება. ეს იმას ნიშნავს, რომ ბავშვი უკვე ჩასახული და სული მინიჭებული აქვს. რამდენიმეს სიკვდილი კი ერთის გადასარჩენად, არ არის სწორი, ვისაც როგორ უნდა, ისე გააკეთოს, მაგრამ ეს ასეა, მე კი არ მომიგონია“, - განაცხადა მეუფე ნიკოლოზმა.

შეგახსენებთ, რომ 25 აგვისტოს, იუსტიციის მინისტრის 2012 წლის 31 იანვრის N18 ბრძანებაში განხორციელდა ცვლილება, რომლის მიხედვითაც საქართველოში სუროგაციის გზით ბავშვის გაჩენის შესახებ ნოტარიუსის წინაშე გასაფორმებელი ხელშეკრულების თავისებურებები დაზუსტდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,