2020-08-24 11:16:49, 6585 ნახვა
რეგიონი
აჭარაში სამი უკანონო სახერხი გამოავლინეს
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, აჭარაში სამი დაურეგისტრირებელი სახერხი საამქრო გამოავლინეს.
აჭარისა და გურიის რეგიონული სამმართველოს თანამშრომლებმა, ლენტური ტიპის სახერხი საამქროები გამოავლინეს შუახევის მუნიციპალიტეტის სოფელ ხაბელაშვილებში და ხულოს მუნიციპალიტეტის სოფლებში - ბაკიბაკოსა და ჭერში. მოქალაქეებს, სახერხი საამქროები, საკარმიდამო ეზოებში ჰქონდათ მოწყობილი.
ვინაიდან სამივე სამართალდარღვევა შეიცავს სისხლის სამართლის დანაშაულის ნიშნებს, საქმის მასალები, შემდგომი რეაგირების მიზნით, შესაბამის უწყებებში გადაიგზავნა.
ავტორი: NS (სტატია დაფინანსებულია),
epn.ge (@expressnews.ge)
