აჭარა დალიანთან სხვადასხვა მიმართულებით ითანამშრომლებს

2015-09-10 19:20:21, 513 ნახვა

პოლიტიკა

აჭარის მთავრობა დალიანთან სხვადასხვა მიმართულებით ითანამშრომლებს.

აჭარის მთვრობის პრესსამსახურის ინფორმაციით, ოქტომბერში, აჭარაში დალიანის ხელმძღვანელების რამდენიმე ვიზიტია დაგეგმილი.

დალიანსა და აჭარის რეგიონში კომისიები შეიქმნება, რომელიც განათლების, კულტურის, სპორტისა, სოფლის მეურნეობის, ჯანდაცვისა და ტურზმის მიმართულებით იმუშავებენ.

„მინდა ვთქვა, რომ ჩვენს ქვეყნებს შორის ურთიერთობის ახალი ფაზა იწყება. ისტორიული ფაზა, ორ რეგიონს შორის დამეგობრება, რაც გულისხმობსთანამშრომლობას სხვადასხვა მიმართულებით: განათლება, კულტურა, სპორტი, ასევე ტურიზმი. აუცილებლად იქნება წინ წამოწეული სავაჭროურთიერთობები, სოფლის მეურნეობის მიმართულებით თანამშრომლობა. ეს მემორანდუმია, რომელიც ითვალისწინებს რამდენიმე კონკრეტულ საკითხს,“ -განაცხადა არჩილ ხაბაძემ მემორანდუმის ხელის მოწერის შემდეგ.

აქვე, პრემიერ–მინისტრის ირაკლი ღარიბაშვილის თქმით, საქართველო იქნება პირველი რეგიონი, რომელსაც ჩინეთთან ექნება თვისუფალი ვაჭორბა.

„ეს ქვეყანას მოუტანს დიდ სარგებელს. პირველ რიგში ეს არის ღვინის ექსპორტი, ასევე სხვა პროდუქციის ექსპორტი. ქართველ მეწარმეს გაუადვილდებაპროდუქციის შეტანა ჩინეთში. აღნიშნული გადაწყვეტილება გააუმჯობესებს ორი ქვეყნის ურთიერთობებს და მას სხვა ეტაპზე გადაიტანს. ეს სერიოზულწვლილს შეიტანს ჩვენი ქვეყნის ეკონომიკის განვითარებაში,“– განაცხადა ირაკლი ღარიბაშვილმა.

დალიანის მუნიციპალიტეტის ხელმძღვანელის განცხადებით, ერთობლივი პროექტები მომავალშიც გაგრძელდება.

მისივე თქმით, მემორანდუმის ხელმოწერის ცერემონიაზე საქართველოს პრემიერ–მინისტრის დასწრება არის დასტური ორ ქვეყანას შორის ახალი, დინამიური თანამშრომლობის დასაწყისის.

„დალიანის მუნიციპალიტეტსა და აჭარის ავტონომიურ რესპუბლიკას შორის გაფორმებული ურთიერთთანამშრომლობის მემორანდუმი მიზნად ისახავს ქართველი დაჩინელი ხალხის დაახლოებას, ურთიერთობების გაღრმავებას ეკონომიკის, სოფლის მეურნეობის, ჯანდაცვის, განათლების, კულტურის, ტურიზმის დაქალაქის დაგეგმარების მიმართულებით“, – ნათქვამია აჭარის მთვრობის ადმინისტრაციის განცხადებაში.