2020-08-13 20:45:42, 1616 ნახვა
მსოფლიო
საავტომობილო ქარხნების, „ბელაზისა“ და „მაზის“ მუშები ლუკაშენკოს წინააღმდეგ გამოვიდნენ
ბელორუსის საავტომობილო ქარხნების ათასობით თანამშრომელმა მუშაობა შეწყვიტა და აქციის მონაწილეებს მარშით შეუერთდა.
ცნობილი კონცერნების „ბელაზის“, „მაზისა“ და სხვა საწარმოების თანამშრომლებმა მოქმედი პრეზიდენტის, ალექს ლუკაშენკოს წინააღმდეგ გაფიცვა გამოაცხადეს.
მუშებმა ქარხნები მიატოვეს და ქალაქის ცენტრალური გასასვლელებისკენ გაემართნენ, სადაც სკანდირებდნენ - „წადი, გაუმარჯოს ბელორუსს“.
მუშათა აქციის მხარდასაჭერად, ქალაქ ჟოდინოს მცხოვრებლებიც გამოვიდნენ, ისინი მუშებს შეძახილებით - „მადლობა ბელაზ“ შეხვდნენ.
საპროტესტო აქცია, როგორც ქალაქ ჟოდინოში, ასევე სხვა საწარმოო ქალაქებში ამ წუთებშიც გრძელდება.
ავტორი: ექსპრესნიუსი,
epn.ge (@expressnews.ge)
