საპარლამენტო უმრავლესობის ლიდერის, მამუკა მდინარაძის განცხადებით, „ქართული ოცნების“ საარჩევნო სიის პირველ ნომერზე კონსულტაციები არ ყოფილა.

მისი თქმით, თუ მსგავსი გადაწყვეტილება იქნება მიღებული, პირველ სიტყვას პარტიის ხელმძღვანელი იტყვის.

„არ უთქვამს გიორგი გახარიას, რომ ბიძინა ივანიშვილი სიის პირველი ნომერი იქნება. ეს არის მხოლოდ და მხოლოდ პარტიის ხელმძღვანელის გადასაწყვეტი. პირველი სიტყვა ამასთან დაკავშირებით, თუ ასეთი უნდა გადაწყდეს პოლიტიკურად  „ქართულ ოცნებაში“, უნდა თქვას თავად ბიძინა ივანიშვილმა, პარტიის ხელმძღვანელმა. მე დაგიდასტურებთ ერთადერთ რამეს, პარტიაში არათუ პარტიის თავმჯდომარის პირველ ნომრად ჩაწერაზე, არამედ საერთოდ, პირველ ნომერზე კონსულტაციები საერთოდ არ ყოფილა. კონსულტაციები იყო მხოლოდ და მხოლოდ მაჟორიტარებზე და აქ გავდივართ ფინალში. სიის ფორმირებაზე, ვინ იქნება სიის ათეულში თუ ოცეულში, ამასთან დაკავშირებით კონკრეტული საუბარი არ გვქონია. შესაბამისად, ვინ იქნება პირველი ნომერი, ამაზე საუბარი არ გვქონია. გამორიცხვა ან დადასტურება არაფრის შეიძლება“, - განაცხადა მამუკა მდინარაძემ.

ცნობისთვის, პრემიერ-მინიტრმა გიორგი გახარიამ ჟურნალისტებთან საუბრისას არ გამორიცხა, რომ „ქართული ოცნების“ საარჩევნო სიაში პირველი ნომერი ბიძინა ივანიშვილი იქნება.

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო