შეფასებისა და გამოცდების ეროვნული ცენტრის ხელმძღვანელის, სოფო გორგოძის განცხადებით, 2 აბიტურიენტი გამოცდაზე  მაღალი ტემპერატურის გამო არ დაიშვა.

მისი თქმით, ქვეყნის მასშტაბით გამოცდაზე აბიტურიენტების 93% გამოცხადდა.

„უკვე ერთ საათზე მეტია მიმდინარეობს ერთიანი ეროვნული გამოცდები. ამ ეტაპზე ვიცით ის, რომ გამოცდაზე გამოცხადდა აბიტურიენტების 93%. გვქონდა დაგვიანების 2 შემთხვევა. სარეზერვო სივრცეში განთავსდა ჯამში 4 აბიტურენტი. რაც შეეხება გამოცდაზე მაღალი ტემპერატურის გამო არ დაშვების ფაქტს, ასეთი 2 შემთხვევაა მთელი საქართველოს მასშტაბით, ორივე შემთხვევაში იყო 38 გრადუსამდე ტემპერატურა. ასევე, 175-ე სკოლაში განთავსებულ საგამოცდო ცენტრში იყო ემოციურ ფონზე ტემპერატურის მომატების ფაქტი, იყო დასაშვები ტემპერატურა, ექიმმა ნახა და მიიღო გადაწყვეტილება, რომ დაეშვა აპლიკანტი საგამოცდო ცენტრში“, - განაცხადა სოფო გორგოძემ.

მისივე თქმით, რამდენიმე საგამოცდო ცენტრში უკვე ჩართულია კონდიციონერი.

„რამდენიმე სხვა საგამოცდო ცენტრში უკვე ჩართულია კონდიციონერები და ასეთ შემთხვევებში აბიტურიენტებს პირბადეები უკეთიათ“, - განაცხადა სოფო გორგოძემ.

შეგახსენებთ, რომ დღეიდან საქართველოში ერთიანი ეროვნული გამოცდები დაიწყო, რომელიც 25 ივლისამდე გაგრძელდება.

ავტორი: ექსპრესნიუსი,

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა