გერმანიის ელჩი იძულებული გახდა, ხაზგასმით მიეთითებინა, რომ შეთანხმების პირობაში არც რურუა ეწერა , - ამის შესახებ საქართველოს პარლამენტის თავმჯდომარის მოადგილემ, მამუკა მდინარაძემ განაცხადა.

მდინარაძემ ასევე აღნიშნა, რომ ოპოზიციამ ელჩების განცხადებები ვერ გაიგეს.

“სანამ გერმანიის ელჩი ამ განცხადებას გააკეთებდა, საზოგადოებას ახსოვს ჩვენი  სტრატეგიული პარტნიორი ქვეყნების ელჩების არაერთი განცხადება. თავიდან იყო ზოგადი მინიშნებები, შემდეგ ამერიკის ელჩმა გააკეთა განცხადება, სადაც შეთანხმების ე.წ. მეორე ნაწილთან დაკავშირებით იყო კონკრეტული მინიშნება, რომ ეს არის განგრძობითი პროცესი - ანუ პოლიტიკის ჩაურევლობა მართლმსაჯულებაში. შემდეგ იყო ევროკავშირის ელჩის განცხადება, სადაც კონკრეტული ციფრი მიუთითა - 142. ეს იმას ნიშნავს, რომ მან დაითვალა და  ყველას მოუწოდა, რომ მონაწილეობა მიეღოთ,  მხარი დაეჭირათ კონსტიტუციური კანონის პროექტისთვის - ანუ, შეთანხმების პირობები შეესრულებინათ სრულად. ეს ყველაფერი მათ ვერ გაიგეს და როგორც ჩანს,  დღესაც არ აპირებენ გაგებას, როდესაც, გერმანიის ელჩი იძულებული გახდა, კონკრეტულად, კიდევ უფრო დაზუსტებით და ხაზგასმით მიეთითებინა, რომ შეთანხმების პირობაში არც რურუა ეწერა, არც სხვა ეგრეთ წოდებული პოლიტპატიმარი და არც მართლმსაჯულებაში რაიმე ჩარევაზე იყო საუბარი. მან მიუთითა, რომ შეთანხმების პირობა არ იყო ეს, ამით ნათელი მოჰფინა იმ სიმართლეს, რასაც ჩვენ ბოლო კვირების განმავლობაში ვსაუბრობდით და წერტილი დაუსვა სპეკულაციებს, რომელსაც ახორციელებდა „ნაციონალური მოძრაობა" და მისი სამეგობრო კრიმინალური დაჯგუფებების სახით უკვე გარდაქმნილი ე.წ. ოპოზიცია” ,- განაცხადა მამუკა მდინარაძემ.​

შეგახსენებთ, რომ გერმანიის ელჩმა საქართველოში მკაფიოთ გამოკვეთა, რომ  8 მარტის შეთანხმების ნაწილი გიორგი რურუა არ იყო.

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო