ჩემი მხარდაჭერა საკონსტიტუციო ცვლილებებს არ ექნება , - ამის შესახებ დამოუკიდებელმა დეპუტატმა დავით ჭიჭინაძემ განაცხადა.

მან აღნიშნა, რომ „ქართული ოცნების“ ეს ქმედება მისთვის გაუგებარია, თუ მმართველი პარტია ამგვარად ფიქრობდა მაშინ 2017 წლის არჩევნები ტყუილად ჩატარდა.

„ჩემი მხარდაჭერა საკონსტიტუციო ცვლილებებს არ ექნება. ჯერ ერთი გაუგებარია როგორ უნდა აჯობოს 30 მაჟორიტარმა 73 მაჟორიტარს ხალხის მსახურებაში?   და მეორე, აბსოლუტურად მიუღებელია ის „ვაჭრობა“, რასაც ამ თემის გარშემო ბოლო თვეებია ვაკვირდებით.

2019 წლის 20 ივნისის შემდეგ, გადაწყვეტილება, რომ ქვეყანა პროპორციულ სისტემაზე გადავიდოდა, გასაგებიც იყო და აუცილებელიც! მაგრამ ეს რაღაც შუალედური არგუმენტები, დაუსრულებელი ვაჭრობა, სრულიად გაუგებარია. თანაც რა გამოდის, მთელი ამდენი ე.წ. ცვლილება, რომლითაც ასე ამაყობდა „ქართული ოცნება“,  თუნდაც 2017 წლის ცვლილებები, ტყუილა ჩატარდა? როდის ვიტყუებოდით, მაშინ, თუ ახლა?!

მოკლედ, ჩემი რწმენით, ყველა ცვლილება უკეთესობას, ხალხის პირობების გაუმჯობესებას უნდა ემსახურებოდეს, პოლიტიკოსების ვაჭრობის თემა კი არ უნდა გახდეს და  მათთვის ადგილების მიღების გარანტი.

ამიტომ არ ვუჭერ ამ ცვლილებებს მხარს.“ -აცხადებს დავით ჭიჭინაძე

ავტორი: ექსპრესნიუსი,

სოციალური ქსელები

2024 წელს სამტრედიაში მელიაზე თავდასხმის ფაქტზე გამოძიება განახლდა - გადაკვალიფიცირდა მუხლი

ვეფხია კასრაძე მადლობას უხდის თანამებძოლებს, ვინც დაბადების დღე მიულოცა

18 თვეში პატიმართა რაოდენობა საქართველოში 43%-ით არის გაზრდილი

ბათუმის საზღვრები შესაძლოა შეიცვალოს