რუსთაველის გამზირზე აქცია „ერთად ოკუპაციის წინააღმდეგ“ გაიმართება.

მოძრაობა „სირცხვილია“ 20 ივნისის „გავრილოვის ღამი“-დან  ერთი წლის გასვლასთან დაკავშირებით პარლამენტთან აქციას გამართავს.

აქციის მონაწილეები რუსთაველის გამზირზე 19:00 საათზე შეიკრიბებიან. როგორც მოძრაობა „სირცხვილია“-ს წევრმა, ზუკა ბერძენიშვილმა ტელეკომპანია „ფორმულას“ ეთერში განაცხადა, შეკრების მიზეზი იგივეა, რაც 2019 წლის 21 ივნისს იყო.

რუსთაველის გამზირზე დაგეგმილი აქციის გამო, სატრანსპორტო მოძრაობა დროებით შეიზღუდება. კერძოდ N6, N14, N33, N42, N52, N58, N61, N87, N88 და N150 ავტობუსები ბარათაშვილის ქუჩის მიმართულებით მოძრაობისას, რუსთაველის გამზირის ნაცვლად, მელიქიშვილის ქუჩიდან მიხეილ ჯავახიშვილის ქუჩას დაუკავშირდებიან და მტკვრის მარჯვენა სანაპიროს გავლით, ბარათაშვილის ქუჩაზე მოხვდებიან.

ავტობუსების - N31, N37 და N46 მარშრუტები მეტროსადგურ „ავლაბრის“ მიმართულებით მოძრაობისას, ასევე, მიხეილ ჯავახიშვილის ქუჩით ისარგებლებენ და მარჯვენა სანაპიროს გავლით, მოძრაობას ბარათაშვილის ხიდის მიმართულებით გააგრძელებენ, რის შემდეგაც, დადგენილი სქემით გადაადგილდებიან.

შეგახსენებთ, რომ 2019 წლის 20 ივნისს პარლამენტის შენობაში გავრილოვი იმყოფებოდა, რამაც რუსთაველის გამზირზე საპროტესტო აქციები გამოიწვია. აქციის მონაწილეებსა და სამართალდამცავებს შორის სიტუაცია 20 ივნისს გვიან ღამით დაიძაბა, რასაც ხელისუფლების მიერ აქციაზე მყოფების დარბევა მოყვა. აქციის მონაწილეების დარბევა 21 ივნისის დილამდე გრძელდებოდა. რეზინის ტყვიებით და ცრემლსადენი გაზის გამოყენებით მძიმედ დაშავდა, როგორც აქციის მონაწილეები, ასევე ჟურნალისტები, ოპერატორები და ფოტოგრაფები.

ავტორი: ექსპრესნიუსი,

სოციალური ქსელები

18 თვეში პატიმართა რაოდენობა საქართველოში 43%-ით არის გაზრდილი

ბათუმის საზღვრები შესაძლოა შეიცვალოს

მენტორები, რომლებიც საქართველოს ნაკრებს AI-ს საერთაშორისო ოლიმპიადისთვის ამზადებენ

ნეთანიაჰუმ დაადასტურა, რომ ტრამპთან ჰამასის შეთანხმებასთან დაკავშირებით უთანხმოება აქვს