ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს ხელმძღვანელმა თამარ იოსელიანმა საერთაშორისო საზღვაო ორგანიზაციის (IMO) სამდივნოს წარმომადგენლებთან ონლაინ შეხვედრა გამართა, რომლის დროსაც საქართველოს საზღვაო სექტორში პანდემიის საპასუხოდ მიღებული რეგულაციები და ახლო მომავალში გასატარებელი ღონისძიებები განიხილეს.

IMO-ს სამდივნოს წარმომადგენლებმა შეხვედრაზე მაღალი შეფასება მისცეს საქართველოს მიერ კრიზისის საპასუხოდ გადადგმულ ნაბიჯებს და მადლობა გადაუხადეს საქართველოს ხელისუფლებას მეზღვაურთა რეპატრიაციასა და როტაციის პროცესების უპრეცენდენტო მხარდაჭერისთვის.

შეხვედრაზე საუბარი შეეხო საქართველოში მეზღვაურთა საწვრთნელი ცენტრების გახსნისა და პრაქტიკული წვრთნის უზრუნველყოფის მნიშვნელობას. აღინიშნა, რომ ასეთ ცენტრებში IMO კურსების  თეორიული ნაწილის ჩატარება დისტანციური სწავლის რეჟიმით ხორციელდება.

აღინიშნა, რომ საქართველომ ერთ-ერთმა პირველმა დაიწყო დროული და თანმიმდევრული ზომების გატარება მეზღვაურთა მხარდასაჭერად. კერძოდ, მარტის დასაწყისშივე იქნა მიღებულ გადაწყვეტილება გემზე მყოფი მეზღვაურების დოკუმენტაციის ვადის გაგრძელებასთან დკავშირებით. გარდა ამისა, არსებული მდგომარეობის შეფასების შემდეგ ქართველი მეზღვაურების სერტიფიკატების გარეშე დარჩენის პრევენციის მიზნით დამატებითი რეგულაციები შემუშავდა. ითქვა, რომ საზღვაო ტრანსპორტის სააგენტო კერძო სექტორთან ერთად აქტიურად მუშაობს მეზღვაურების რეპატრიაციის და როტაციის მიმართულებით. კერძოდ, ინდივიდუალურად მოხდა ათეულობით მეზღვაურის ქეისის შესწავლა და სააგენტოს უშუალო მონაწილეობით 200-ზე მეტი მეზღვაურის როტაცია განხორციელდა.

შეხვედრაში მონაწილეობდა IMO-ს საგარეო ურთიერთობისა და სამართლებრივი სამმართველოს დირექტორი, ადმირალი ფრედერიკ კინი, IMO-ს საზღვაო უსაფრთხოების სამმართველოს დირექტორი ქალბატონი ჰაიკე დეგიმი, სხვა მნიშვნელოვანი სტრუქტურის ხელმძღვანელები და საქართველოს მუდმივი წარმომადგენელი IMO-ში ქალბატონი თამარ ბერუჩაშვილი.

ავტორი: NS (სტატია დაფინანსებულია),

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა