სოფლის მეურნეობის მინისტრი ოთარ დანელია საერთო ჯამში,  სეტყვის საწინააღმდეგო დანადგარის მოქმედებით კმაყოფილია. როგორც დანელიამ ჟურნალისტებს განუცხადა, აღნიშნული მოწყობილობის მეშვეობით, კახეთში სეტყვა 34-ჯერ აიცილეს თავიდან და მხოლოდ 2-3 ჯერ ვერ მოხდა ღრუბლების დაშლა და ესეც იმის გამო, რომ  "ფორმირების კერა დაცვის არეალს გასცდა"
ამასთან დანელიას თქმით, სეტყვის საწინააღმდეგო სისტემა 80-90%-იანი საშუალებაა.
"სეტყვის საწინააღმდეგო სისტემა 80-90%-იანი საშუალება გახლავთ და მინდა გითხრათ, რომ წელს კახეთში უნდა ყოფილიყო 34 სეტყვა, შესაბამისად იყო მხოლოდ 2-3, ეს გახლავთ შედეგი. გუშინწინ იყო ანალოგიური რისკი, რომლის   პორევენცია სრულფასოვნად მოხდა და საერთოდ არ მოსულა სეტყვა და გუშინ მხოლოდ ნაწილობრივ მოხდა ისიც იმის გამო, რომ დაცვის არეალს გასცდა ფორმირების კერა",-განაცხადა ოთარ დანელიამ.
შეგახსენებთ, სტიქიამ კახეთის რამდენიმე რაიონი დააზარალა.
ყვარელში სეტყვის შედეგად საკარმიდამო მიწის ნაკვეთები და მოსავალი განადგურდა.
სეტყვას თან ძლიერი ქარიც დაერთო, რის გამოც სოფელ სანავარდოში საცხოვრებელ სახლებს სახურავები გადახადა, მოგლეჯილია ხეებიც.
სტიქიის შედეგად, ასევე დაზარალდა სოფელი ჯოყოლო. დაიხოცა შინაური ფრინველი და მოსავალი განადგურდა.
სეტყვასაწინააღმდეგო სისტემა  მიმდინარე წელს სახელმწიფო სამხედრო-სამეცნიერო ტექნიკურმა ცენტრმა „დელტამ" შექმნა.
დანადგარმა სასოფლო-სამეურნეო ნაკვეთებში სეტყვისაგან მიყენებული ზარალი 80-90%-ით უნდა შეამციროს.
სეტყვასაწინააღმდეგო სისტემის შექმნა კახეთის რეგიონში სასოფლო-სამეურნეო ნაკვეთებში სეტყვისგან მიყენებული ზარალის შემცირებას ისახავს მიზნად. 
რადარი სოფელ ნუკრიანში, ჭოტორის მთაზეა განთავსებული, საიდანაც 83 საცეცხლე წერტილი იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა