შეზღუდვების მოხსნის გეგმით, ეტაპებს შორის გათვალისწინებულია ორკვირიანი შუალედი, თუმცა ჩვენ ყოველდღიურად ვმსჯელობთ სპეციალისტებთან ერთად, არის თუ არა შესაძლებელი გარკვეული შეზღუდვების მოხსნა ორკვირიან პერიოდზე ადრე, - ამის შესახებ მთავრობის ადმინისტრაციის უფროსმა ნათია მეზვრიშვილმა განაცხადა.

მისი განმარტებით, ეპიდემიოლოგიური ვითარების გათვალისწინებით, შესაძლებელია შეზღუდვების დაგეგმილზე ადრე მოხსნა ისევე, როგორც, ეპიდემიოლოგიური ვითარების გართულების შემთხვევაში - უკვე მოხსნილი შეზღუდვების ხელახლა დაწესება.

მთავრობის ადმინისტრაციის ხელმძღვანელმა ასევე ხაზი გაუსვა მოქალაქეების მიერ მთავრობის მხრიდა გაცემული რეკომენდაციების შესრულების მნიშვნელობას.

„ჩვენი მხრიდან აბსოლუტური უპასუხისმგებლობა იქნებოდა იმის თქმა, რომ გარკვეული შეზღუდვების მოხსნა შესაძლებელია ვადაზე ადრე, სამშაბათიდან, ოთხშაბათიდან, 8 ან 9 მაისიდან და ა.შ. ამიტომ, ჩვენ ამას არ ვაკეთებთ, თუმცა მსჯელობა ახლაც მიმდინარეობს. ვცდილობთ, მთავრობა ამ ნაწილში თანმდიმდევრული იყოს, ისევე როგორც თანმიმდევრულები ვიყავით შეზღუდვების ამოქმედების ნაწილში. გარკვეული ეტაპებიდან შესაძლოა, ცოტა წინ გადმოვწიოთ, მაგალითად, ზოგადად მშენებლობასთან დაკავშირებული სამუშაოები. ვმსჯელობთ სხვა დეტალებზეც, რის შესახებაც საზოგადოებას დამატებით ვაცნობებთ,"- განაცხადა ნათია მეზვრიშვილმა.

მთავრობის ადმინისტრაციის უფროსის განმარტებით, შეზღუდვების მოხსნაზე საუბრისას იგულისხმება ცალკეული აკრძალვების გაუქმება როგორც მთელი ქვეყნისთვის, ისე კონკრეტული რეგიონისთვის, რაც დამოკიდებულია როგორც ზოგად ეპიდემიოლოგიურ სურათზე, ისე - კონკრეტული რეგიონის სპეციფიკაზე.

„როდესაც ეპიდემიოლოგიურ მდგომარეობაზე ვსაუბრობთ, აქ არ იგულისხმება მხოლოდ ქვეყნის მასშტაბით არსებული ეპიდემიოლოგიური მდგომარეობა და ინფიცირებულების საერთო რაოდენობა. რა თქმა უნდა, ეს ყველაფერი განიხილება რეგიონულ ჭრილში, კონკრეტული ტერიტორიული ერთეულების მიხედვით. მხედველობაში ვიღებთ იქ არსებულ ეპიდემიოლოგიურ სიტუაციასაც, ისევე, როგორც თავიდან საკარანტინო შეზღუდვები დავაწესეთ იმ რეგიონებში, სადაც ვირუსის გავრცელების მასშტაბები ცალკე აღებული რეგიონისთვის პრობლემური იყო", -  განაცხადა ნათია მეზვრიშვილმა.

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს