რესპუბლიკური საავადმყოფოს დირექტორის, ლევან გოფოძის განცხადებით, მათ კლინიკაში კორონავირუსით ინფიცირებული 47 პაციენტია მოთავსებული, რომელთა მდგომარეობა დამაკმაყოფილებელია.

მისი თქმით, 3 გამოჯანმრთელებული პაციენტი სააავდმყოფოდან გუშინ გაეწერა.

„ჩვენს კლინიკაში ამჟამად 67 პაციენტია, საიდანაც 47 კორონავირუსით ინფიცირებულია. პაციენტების მდგომარეობა საშუალო სიმძიმისა და დამაკმაყოფილებელია. არ გვყავს მართვით სუნთქვაზე არც ერთი კოვიდინფიცირებული პაციენტი, თუმცა არის სერიოზული პნევმონიის მქონე რამდენიმე პაციენტი. მათ განსაკუთრებული ინტენსიური თერაპია სჭირდებათ. გუშინ ჩვენგან 3 გამოჯანმრთელებული პაციენტი გაეწერა. დღეს ველოდებით ერთი პაციენტის დადასტურებას. 24 საათში გვექნება რეტესტირების პასუხი.

ახალი შემთხვევებიდან გუშინ მივიღეთ 2 პაციენტი, მაგრამ ეს იყო უკვე დადასტურებული კოვიდინფექციით და ჩვენთან გადმოიყვანეს სხვა კლინიკიდან. ისინი თუ სწორად ვიცი, გადმოყვანილნი არიან თეთრიწყაროდან. გუშინ 12 პაციენტს ჩაუტარდა პირველადი კვლევა, გაკეთდა რამდენიმე რეტესტირების კვლევა, გაკეთდა თანამშრომლების გამოკვლევა და ველოდებით მათ პასუხებს. ყოველდღიურად დაახლოებით 45-მდე „პისიარ“ ტესტირება კეთდება“, - განაცხადა ლევან გოფოძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს