„მოგვიწევს ვისწავლოთ კოჰაბიტაცია და თანაცხოვრება ამ ვირუსთან“, - ამის შესახებ თბილისის ინფექციური საავადმყოფოს გენერალურმა დირექტორმა თენგიზ ცერცვაძემ განაცხადა.

მისი თქმით, პანდემიის შემდეგ შესაძლოა, კორონავირუსს ისევე დავუახლოვდეთ, როგორც ტუბერკულოზს.

„რაც მთავარია, ქვეყანა უნდა გამოვიდეს ეკონომიკური რეცესიიდან და ეს უბრალოდ აუცილებელია. ამ პირობებში, რა თქმა უნდა, ინფიცირების შემთხვევების რისკი იზრდება. ამ პირობებში მასობრივი ტესტირება, რა თქმა უნდა იქნება, სასარგებლო. ჩვენ მოგვიწევს ვისწავლოთ კოჰაბიტაცია და თანაცხოვრება ამ ვირუსთან. ამაში იცით რა იგულისხმება? უნდა შევეგუოთ იმას, რომ კოვიდით ცალკეული და შესაძლოა ათეული შემთხვევებიც, იქნება ჩვენს ქვეყანაში და ამან არ უნდა გამოიწვიოს დაძაბვა და იმის საფრთხე, რომ ათასეული და ათიათასეული ავადმყოფი იქნება, როგორც ეს მოხდა ევროპის ქვეყნებში. რომ წარმოვიდგინოთ ტუბერკულოზი, ხომ არსებობს? დღემდე საქართველოში ყოველწლიურად ფიქსირდება ტუბერკულიოზის რამდენიმე ასეული შემთხვევა, მაგრამ ეს ვინმეს ჩვენს სამეზობლოში, სამეგობროში რომ დაემართება, არ ხდება განსაკუთრებული განგაშის საგანი. მომავალში, როდესაც ჩვენ შევაჩერებთ პანდემიას და თუ მოახერხებს საქართველო, რომ ეპიდემია წავიდეს დაღმავალი გზით, ამის შემდეგ ჩვენ შეიძლება მოვიქცეთ ამ ინფექციის მიმართ დაახლოებით ისე, როგორც ვიქცევით ტუბერკულიოზის მიმართ ან თუნდაც გრიპის მიმართ, გრიპის სეზონში. ამისთვის აუცილებელია, რომ ეპიდემია იყოს შეჩერებული“, - განაცხადა თენგიზ ცერცვაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს