პრემიერ-მინისტრის მრჩეველის საერთაშორისო საკითხებში, ირაკლი ჩიქოვანის განცხადებით, მთავრობისა და საპატრიარქოს ერთობლივი გადაწყვეტილებით, ეკლესიები არ დაიხურება.

მისი თქმით, მცირე ზომის ტაძრებში მხოლოდ სასულიერო პირები იქნებიან,

„ჩვენ მივიღეთ ერთობლივი გადაწყვეტილება, რომ არ დაირღვას კანონი და არ დაიხუროს ეკლესიები და დაცული იქნეს სოციალური დისტანცირება ჩვენი მოქალაქეების ჯანმრთელობისა და სიცოცხლეზე ზრუნვის მიზნით. ერთობლივი გადაწყვეტილებით, ეკლესიაში დაცული იქნება უსაფრთხოების ყველა ნორმა, რომელიც დადგენილია ჯანდაცვის სამინისტროსა და დაავადებათა კონტროლის ეროვნული ცენტრის მიერ. კერძოდ, დიდი ზომის ეკლესიებში დაცული უნდა იყოს მინიმუმ 2 მეტრიანი სოციალური დისტანცია, ხოლო მცირე ზომის ეკლესიაში იქნებიან მხოლოდ სასულიერო პირები და ეკლესიის მსახურები. ამასთან, ყველა ეკლესიასთან მობილიზებული იქნება პოლიციის ეკიპაჟები, რომლებიც ადგილზე უზრუნველყოფენ კომენდატის საათის გათავალისწინებული ნორმების და სოციალური დისტანციის განუხრელ დაცვას. მოვუწოდებთ მოქალქეებს, რომ ქვეყანაში მოქმედებს საგანგებო მდგომარეობა, რომლის ფარგლებში დაწესებული ე.წ. კომენდატის საათის დრო საღამოს 9 საათიდან დილის 6 საათამდე იზღუდება ყოველგვარი გადაადგილება“, - განაცხადა ირაკლი ჩიქოვანმა.

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს