თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურ საავადმყოფოში, კორონავირუსით ინფიცირებული 2 პაციენტის მდგომარეობა კვლავ მძიმეა.

მისი თქმით, დანარჩენ პაციენტებთან, რომლებსაც პნევმონია აქვთ, დაავადების პროგრესირება არ შეიმჩნევა.

„გუშინ დღე-ღამის განმავლობაში დაგვემატა 14 დადასტურებული პაციენტი. ამჟამად გვაქვს 266 დადასტურებული შემთხვევა. აქედან 78 ჩვენი პაციენტია. ქვეყნის მასშტაბით 67 გამოჯანმრთელებული პაციენტი გაეწერა. აქედან 45 პაციენტი ჩვენია.

ჩვენი პაციენტების მდგომარეობა დინამიურად გაუმჯობესებულია. ჯერჯერობით ჩვენ გვრჩება ძალიან მძიმე და პრობლემური 2 პაციენტი. ერთთან შეიმჩნევა სტაბილიზაცია, მეორესთან კი ჯერჯერობით ვერ ხდება სტაბილიზაცია. დანარჩენი მძიმე პნევმონიის მქონე პაციენტების დაავადების პროგრესირება არ მიმდინარეობს. ეს იმის მაჩვენებელია, რომ ალბათ, მათი გამოსავალი კეთილსაიმედო იქნება და არ გახდება არცერთი კრიტიკული“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა