„თუ დღეს  რუსთავი 2-ს მოერევიან, ეს საფრთხე შეიძლება ნებისმიერ მედია საშუალებას შეექმნას“,-ამის შესახებ თბილისის სახელმწიფო უნივერსიტეტის ჟურნალისტიკის მიმართულების პროფესორმა მარიამ გერსამიამ სამაუწყებლო ტელეკომპანია რუსთავი 2-ის ქონების სრული დაყადაღების საკითხის შეფასებისას „ექსპრესნიუსთან“ საუბარში განაცხადა. 
გერსამიას შეფასებით, ტელეკომპანიის დაზარალებით, ქართული დემოკრატიული სახელმწიფო  დარჩება დაზარალებული.  
„ყველაზე რეიტინგული მედიის და ზოგადად მედიის ფუნქციონირებას არავითარ შემთხვევაში არ უნდა შეექმნას საფრთხე. ხელისუფლებაზე ადრე მედია გვაწვდის სასიცოცხლოდ მნიშვნელოვან ინფორმაციას. ვფიქრობ, რომ რუსთავი 2-ის დაზარალებით, პირველ რიგში დაზარალებულად ქართული  დემოკრატიული  სახელმწიფო აღმოჩნდება. თითოეულმა ჩვენგანმა უნდა დავიცვათ ჩვენი სიტყვის და გამოხატვის თავისუფლება. გამომდინარე იქიდან, რომ დემოკრატიის დასაყრდენი არის სიტყვის თავისუფლება. ჟურნალისტების შევიწროებით პრობლემები არ გვარდება. თუ დღეს მოერევიან რუსთავი 2-ს, თუ დღეს რუსთავი 2-ს შეექმნება საფრთხე, ეს საფრთხე ნებისმიერ მედია საშუალებას შეიძლება შეექმნას. ამიტომ დღეს უნდა დავიცვათ  ჩვენი სიტყვის და გამოხატვის თავისუფლება. ჩვენ უნდა დავიცვათ მედია. ჩემი სოლიდარობა რუსთავი 2-ს და ზოგადად სიტყვის თავისუფლებას“,-განუცხადა „ექსპრესნიუსს“ მარიამ გერსამიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”