„რა სისულელეა საერთოდ!“, - ასე აფასებს „ევროპული საქართველოს“ წევრი, გიგა ბოკერია პარლამენტის ყოფილი თავმჯდომარის, ირაკლი კობახიძის განცხადებას, რომლის თანახმადაც, „მძიმე რეპუტაციის მქონე სუსტი ოპოზიცია იქნებ რაღაცნაირად საკუთარი მხრებით ატარონ“.

როგორც ბოკერიამ აღნიშნა, ივანიშვილის „კლოუნებს“ არაფერი ესმით და რომელ ზურგით ტარებაზეა ლაპარაკი.

„რა სისულელეა საერთოდ! მე მგონი ეს ვითარება ყველაზე კარგად შეაჯამა საქართველოს დიდმა მეგობარმა, ლიტველმა ევროპარლამენტარმა, რომ ამდენი ველაპარაკეთო და მგონი, მაინც ვერაფერი გაიგესო. რა ზურგით ტარებაზეა ლაპარაკი? მე არ მიკვირს, რომ ივანიშვილის ამ „კლოუნებს“ არაფერი არ ესმით. ივანიშვილს აქვს გაკეთებული მისთვის საბედისწერო, ქვეყნისთვის საზიანო არჩევანი, ბრიყვული, აქვს ილუზია, რომ ამ ნაბიჯებით ძალაუფლებას შეინარჩუნებს და მერე დაალაგებს გარეთ ურთიერთობებს. ვერც ერთს შეძლებს და ვერც მეორეს, აქაც დამარცხდება ნებისმიერ სცენარში და გარეთაც ელის სრული იზოლაცია და ტრაგიკული ბედი“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა