2020-01-08 10:49:02, 2594 ნახვა
რეგიონი
წყალტუბოში ხანძარს 2 ადამიანის სიცოცხლე ემსხვერპლა
წყალტუბოში, რუსთაველის ქუჩაზე, დევნილთა საერთო საცხოვრებელში გაჩენილ ხანძარს ორი ქალის სიცოცხლე ემსხვერპლა.
როგორც „ექსპრესნიუსს“ საგანგებო სიტუაციების მართვის სამსახურიდან აცნობეს, ადგილზე მისულ მაშველებს, ორივე მათგანი გარდაცვლილი დახვდათ.
მათივე ინფორმაციით, შენობაში დაიწვა მხოლოდ ერთი ოთახი, დანარჩენზე კი მეხანძრე-მაშველებმა ხანძრის გავრცელება თავიდან აიცილეს.
ასევე დროულად მოხდა 35 მოქალაქის ევაკაუცია. ადგილზე მუშაობდა 4 სახანძრო-სამაშველო ჯგუფი, ასევე პოლიციის ეკიპაჟები და სამედიცინო ბრიგადები.
მომხდართან დაკავშირებით საქმე აღძრულია 188 მუხლის მეორე ნაწილით, რაც ნივთის გაუფრთხილებლობით დაზიანებას ან განადგურებას გულისხმობს.
ავტორი: ექსპრესნიუსი,
epn.ge (@expressnews.ge)
