სოფელ გლდანში, 26 მაისის ქუჩაზე სკვერის რეაბილიტაცია დასრულდა

2019-12-16 10:20:12, 825 ნახვა

საზოგადოება

ინფრასტრუქტურული სამუშაოების ფარგლებში, სოფელ გლდანში, 26 მაისის ქუჩაზე, მემორიალთან არსებული სკვერის რეაბილიტაციის სამუშაოები დასრულდა.

სამუშაოების შედეგად, დაახლოებით, 1 800 კვ.მ ფართობზე განთავსდა ბავშვთა გასართობი ზონა, მოსასვენებელი პავილიონი. მოეწყო გარე განათების ქსელი და განთავსდა სკვერისთვის საჭირო სხვა ინფრასტრუქტურა. ასევე, მიმდებარე ტერიტორიაზე აღდგა კედელი, მოეწყო დეკორატიული ღობე და განახლდა მემორიალი.

სკვერის რეაბილიტაციისთვის გამგეობის ბიუჯეტიდან 129 921 ლარი გაიხარჯა.

დასრულებული სამუშაოები გლდანის რაიონის გამგებელმა ბექა მიქაუტაძემ და საკრებულოს მაჟორიტარმა დეპუტატმა შალვა ოგბაიძემ მოსახლეობასთან ერთად დაათვალიერეს.

მიმდინარე წელს, გლდანის რაიონში 7 მისამართზე დიდი სკვერის, 31 მისამართზე კი ბავშვთა გასართობი მოედნების მოწყობა განხორციელდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),