პარლამენტის შენობის ეზოში „ნაციონალური მოძრაობის“ ერთ-ერთ ლიდერ ნიკა მელიასა და უმრავლესობის წევრ ბექა ოდიშარიას შორის სიტყვიერი დაპირისპირება მოხდა.

კერძოდ, ნიკა მელია ცდილობდა ბექა ოდიშარია გაეჩერებინა და ეკითხა, მხარს უწერდა თუ არა იგი პროპორციულ საარჩევნო სისტემაზე გადასვლას, რასაც მათ შორის დაპისრისპირება მოჰყვა.

„ბექა, მე არ გამექცე ბიჭო. ესაა  ბექა ოდიშარია, ბავშვობიდან ვიცნობ, ერთად გავიზარდეთ და ამ ადამიანმა ღილაკს ხელი მიაჭირა. გრცხვენოდეს... უნამუსო ხარ“, - ასე  მიმართა  ნიკა მელიამ ბექა ოდიშარიას, რაზეც ოდიშარიამ უპასუხა: „გეყოფა, მე არ გიჭერდი. უნამუსო შენ ხარ“.

ცნობისთვის, პარლამენტის შენობასთან  საპროტესტო აქცია დღეს დილიდან განახლდა. აქციაზე იმყოფებიან ოპოზიციის ლიდერები და სამოქალაქო აქტივისტები. მათ პარლამენტის შენობის კვლავ პიკეტირება სურდათ, თუმცა სამართალდამცველებმა ამის საშუალება არ მისცეს. ოპოზიციონერი დეპუტატების ნაწილი პარლამენტის ეზოში უმრავლესობის წევრებს სასტვენებით ხვდებიან.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის