„დღეს შეიძლება ხელისუფლებაში ვარ და ხვალ ოპოზიციაში ვიყო ჩემი გუნდით, ჩემი პარტიით, მაგრამ ყოველთვის ვიქნებით კონსტრუქციულები“, - ამის შესახებ თბილისის მერმა, კახა კალაძემ ჟურნალისტებს განუცხადა.

მისი თქმით, პოლიტიკური კრიზისი იმ კონკრეტულ პარტიებს აქვთ, რომლებიც დესტრუქციულ ქმედებებს ეწევიან.

„პოლიტიკური კრიზისი აქვს ოპოზიციას, იმ კონკრეტულ პარტიებს, რომლებიც დღეს ეწევიან დესტრუქციულ ქმედებებს, მათ ნამდვილად აქვთ პოლიტიკური კრიზისი. ჩემთვის არ არის მიღებული დესტრუქციული ქმედებები, მე ვფიქრობ, რომ კონსტრუქციულობა არის მნიშვნელოვანი ისევ და ისევ ჩვენი ქვეყნის ინტერესებიდან გამომდინარე, ქვეყნის განვითარებისა და წინსვლისთვის. მე ყოველთვის ხაზს ვუსვამდი და ყოველთვის მექნება ეს დამოკიდებულება. მე დღეს შეიძლება ხელისუფლებაში ვარ და ხვალ ოპოზიციაში ვიყო ჩემი გუნდით, ჩემი პარტიით, „ოცნება“ მყავს მხედველობაში, მაგრამ არასდროს ქვეყნის ინტერესების წინააღმდეგ არ წავალთ, არასდროს ვიქნებით დესტრუქციულები და ყოველთვის ვიქნებით კონსტრუქციულები, იმიტომ რომ ყოველთვის გამოვდიოდით, გამოვდივართ და გამოვალთ ქვეყნის ინტერესებიდან გამომდინარე“, - განაცხადა კალაძემ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის