შუახევის ინტელექტ-კლუბმა შუახევის მუნიციპალიტეტის მერიისა და მაღალმთიანი აჭარის რესურცენტრების მხარდაჭერით, საჯარო სკოლების უფროსკლასელებისა და პედაგოგებისთვის საჯარო ლექციები დაიწყო.

საჯარო ლექციებს უსასყიდლოდ წაიკითხავენ რეგიონსა და ქვეყნის მასშტაბით ცნობილი ადამიანები, მათ შორის ლიტერატორები, სხვადასხვა ორგანიზაციის წარმომადგენლები და თანამდებობის პირები. საჯარო ლექციები შუახევის მერიის სააქტო დარბაზში თვეში ერთჯერ გაიმართება.

პირველ საჯარო ლექცია დღეს აჭარის ფინანსთა და ეკონომიკის მინისტრმა ჯაბა ფუტკარაძემ გამართა.

► საჯარო ლექციას ახალგაზრდებთან ერთად შუახევის მერი ფრიდონ ფუტკარაძე და მერიის ახალგაზრდულ საქმეთა განყოფილების თანამშრომლები ესწრებოდნენ.

საუბრის თემას ევროპული განათლება, პროფესიის არჩევა და მსოფლიო ტენდენციები, უცხო ენის სწავლების აუცილებლობა და მეთოდები წარმოადგენდა.

საჯარო ლექციების მიზანია:

 მუნციპალიტეტში მცხოვრებ მასწავლებლებისა და მოსწავლეების სამოქალაქო განათლებისა და საზოგადობრივი კულტურის ამაღლების ხელშეწყობა, სოციალური აქტივობისა და თვითმმართველობის პროცესებში ჩართულობის გაზრდა, ქვეყნის განვითარების მიზნების შესახებ ცნობიერების ამაღლება და მათი მიღწევების პროცესში ჩართვის წახალისება, მოსწავლეთა მოტივირება, პროფესიის არჩევა,არაფორმალურ განათლების ხელშეწყობა, აქტიური მოქალაქეობრივი თვითშეგნების მქონე ინდივიდის ჩამოყალიბება და ა.შ.

(NS)

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს