ნაძალადევის რაიონში, რატევანის ქუჩის ბოლო მონაკვეთზე, სადაც ასფალტის საფარი არასდროს ყოფილა, გზის რეაბილიტაცია დასრულდა. პროექტის ფარგლებში, გრუნტის დამჭერი 31-მეტრიანი კედელი აშენდა, მოეწყო ბორდიური და 2 200 კვ.მ ფართობზე ასფალტის ორფენიანი საფარი დაიგო.

ბოლო ეტაპის საგზაო სამუშაოებს ნაძალადევის რაიონის გამგებელი ირაკლი ხელაძე გაეცნო.

„ამ ტერიტორიაზე მხოლოდ გრუნტის გზა იყო და მოსახლეობას, განსაკუთრებით, წვიმიან ამინდში გადაადგილება ძალიან უჭირდა. ახლა უკვე ადგილობრივი მცხოვრებლები სრულად კეთილმოწყობილი გზით სარგებლობენ. გამგეობის მიერ გზის კაპიტალური შეკეთების დაწყებამდე, კომპანია „ჯორჯიან უოთერ ენდ ფაუერმა“ წყლისა და წყალარინების ახალი ქსელები მოაწყო“, - აღნიშნა ირაკლი ხელაძემ.

რატევანის ქუჩის ბოლო ნაწილის რეაბილიტაციისთვის ნაძალადევის რაიონის გამგეობამ 154 435 ლარი დახარჯა.

(NS)

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის