„ამ ადამიანზე, წესის აგება არანაირად არ შეიძლება, ის იყო სექტის წევრი. მშობლებს ვუსამძიმრებ, მაგრამ ამ ადამიანს მანამდე უნდა მოენანიებინა სანამ ცოცხალი იყო,“ - ამის შესახებ ავტოკატასტროფაში დაღუპული ახალგაზრდის, შაკო ბარამიძის წესის აგებასთან დაკავშირებით, დეკანოზმა გიორგი რაზმაძემ პრესკონფერენციაზე ჟურნალისტებს განუცხადა.

მისი თქმით,  „გირჩი“ არის ჩვეულებრივი სექტა და მორწმუნე ადამიანი ვერ იქნება მისი წევრი:

„ამ ადამიანზე, წესის აგება არანაირად არ შეიძლება. იგივე, როგორც სხვა სექტის წარმომადგენელთან. ადამიანი როცა თავისუფალია  ირჩევს  ამ ან იმ გზას. „გირჩი“ არის ჩვეულებრივი სექტა.  ეს ადამიანი იყო სექტის წევრი. მშობლებს ვუსამძიმრებ, მაგრამ ამ ადამიანს მანამდე უნდა მოენანიებინა სანამ ცოცხალი იყო. მშობლებს მანამდე უნდა შეეგონებინათ მისთვის. მორწმუნე ადამიანი ვერანაირად ვერ იქნება „გირჩის“ წევრი“ – განაცხადა დეკანოზმა.

5 ნოემბერს, ავტოსაგზაო შემთხვევის შედეგად გარდაცვლილი ახალგაზრდის წესის აგებაზე, მართლმადიდებელი ეკლესია უარს იმ მიზეზით აცხადებს, რომ გარდაცვლილი შაკო ბარამიძე "ბიბლიური თავისუფლების" მღვდელმთავრად ირიცხებოდა.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის