საქართველოს საგარეო საქმეთა მინისტრის თამარ ბერუჩაშვილის განცხადებით, ევროპული საბჭოს პრეზიდენტ დონალდ ტუსკის საქართველოში ვიზიტი  ევროკავშირის მხრიდან მხარდაჭერის მკაფიო დემონტრირებაა.

ამის შესახებ ბერუჩაშვილმა ჟურნალისტებს თბილისის საერთაშორისო აეროპორტში განუცხადა.

მისივე თქმით, შეხვედრებზე ყველა იმ პრობლემატურ საკითხზე ისაუბრებენ, რომელიც საქართველოს დღის წესრიგში დგას.

„დონალდ  ტუსკი პირველად ჩამოვიდა საქართველოში ევროპული საბჭოს პრეზიდენტის რანგში. ეს ვიზიტი არის მკაფიო დემონსტრირება ევროკავშირის მხრიდან მხარდაჭრის, სოლიდარობის, მზაობის, კიდევ უფრო აქტიურად ჩაერთოს საქართველოში მიმდინარე პროცესებში. ვიზიტი ძალიან მნიშვნელოვანია იმ ფონის გათვალისწინებით, რაც ზოგადად საქართველო-ევროკავშირის ურთიერთობებში ჩამოყალიბდა. ასოცირების ხელშეკრულება ამოქმედდა წარმატებით და ჩვენ ერთობლივად ვდგამთ ძალიან მნიშვნელოვან ნაბიჯებს ასოცირებისა და ეკონომიკური ინტეგრაციის ყველა შესაძლებლობების გამოყენებით.ამასთან, ძალიან მნიშვნელოვანია, რომ დღეს საქართველომ დაიმკვიდროს რეფორმირების კუთხით სახელი, როგორც ლიდერი ქვეყნისა აღმოსავლეთ პარტნიორობის ქვეყნებს შოირს. საქართველო არის სერიოზული კონტრიბუტორი ევროკავშირისთვის ენერგეტიკული უსაფრთხოების კუთხით და აგრძელებს ძალიან აქტიურ მუშაობას ყველა იმ პროექტებში, რომელიც ამ მიმართულებას კიდევ უფრო გააღრმავებს. დღევანდელი ვიზიტი, დიალოგი, მიეძღვნება ყველა იმ პრობლემატურ საკითხს, რომელიც საქართველოს დღის წესრიგშია და მიეძღვნება ყველა იმ პრიორიტეტულ თემას, რომელიც არის საქართველოს ევროპული ინტეგრაციის  დრის წესრგიში“,-განაცხადა თამარ ბერუჩაშვილმა.

ევროპის საბჭოს პრეზიდენტი საქართველოს 21 ივლისს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა