შინაგან საქმეთა სამინისტრომ საგზაო უსაფრთხოების მიმართულებით სოციალური კამპანიის „მეტი სიცოცხლისთვის" ახალი ეტაპი საზოგადოებას წარუდგინა.

ღონისძიებას საერთაშორისო ორგანიზაციების წარმომადგენლებიც დაესწრნენ. საქართველოში გაეროს განვითარების პროგრამის წარმომადგენლის ლუიზა ვინტონის განცხადებით, ზოგადად, საგზაო უსაფრთხოება, მსოფლიო მასშტაბით, დიდი გამოწვევაა. დღესდღეობით, ყოველწლიურად 1,3 მილიონი ადამიანი იღუპება გზებზე. საქართველოში ნამდვილად ავტოსაგზაო შემთხვევების შემცირების ტენდენციაა და შეინიშნება პროგრესი ამ მიმართულებით.

"გაეროს განვითარების პროგრამისთვის განსაკუთრებული პატივია დღევანდელ ღონისძიებას შემოუერთდეს და გააერთიანოს ძალები შინაგან საქმეთა სამინისტროსთან იმ მნიშვნელოვან პრობლემასთან საბრძოლველად, როგორიცაა საგზაო უსაფრთხოება.

ზოგადად, საგზაო უსაფრთხოება, მსოფლიო მასშტაბით, დიდი გამოწვევაა. დღესდღეობით, ყოველწლიურად 1,3 მილიონი ადამიანი იღუპება გზებზე. შესაბამისად, საგზაო უსაფრთხოება, როგორც პრიორიტეტი, აისახება  მდგრადი განვითარების მიზნებშიც.

მდგრადი განვითარების მიზანი, რომელიც 2020 წლამდე უნდა შესრულებულიყო, სამწუხაროდ, მსოფლიო მასშტაბით ჯერჯერობით ვერ სრულდება. მიზანი იყო ის, რომ განახევრებულიყო სიკვდილიანობა გზებზე. საქართველოში ნამდვილად შეინიშნება პროგრესი. საქართველოში ავტოსაგზაო შემთხვევების შემცირების ტენდენციაა, რაც ნამდვილად მისასალმებელია და ჩვენ მზად ვართ განვაგრძოთ მუშაობა როგორც სამინისტროსთან, ისე ადგილობრივ და საერთაშორისო ორგანიზაციებთან იმისთვის, რომ ერთ დღეს ეს  რიცხვი ჩამოვიდეს ნულამდე“, - განაცხადა ლუიზა ვინტონმა.

(NS)

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის