სამ საათიანი მსჯელობის შემდეგ პარლამენტში ანაკლიის პროექტის განხილვა დასრულდა.

სხდომაზე "ანაკლიის კონსორციუმის" გენერალურმა დირექტორმა, ლევან ახვლედიანმა დამოუკიდებელ დეპუტატებსა და ოპოზიციური პარტიის წარმომადგენლებს ანაკლიის პროექტთან დაკავშირებით მიმდინარე სამუშაოებზე დეტალური ინფორმაცია მიაწოდა.

როგორც მან აღნიშნა მნიშვნელოვანია მათსა და მთავრობას შორის აზრიანი მოლაპარაკება შედგეს და ასევე, მათ საკუთარი მექანიზმიც შესთავაზა.

"ანაკლიის პროექტს ჭირდება 620 მილიონი, საიდანაც 400 მილიონი სასესხო სახსრებია, 100 მილიონი საპარტნიორო ფონდის სუბორდინებული სესხი და 120 მილიონი საკუთარი კაპიტალი. გარდა ამისა ბანკს ისევ ბანკების მოთხოვნის გამო ჩვენ ვთავაზობთ შეიქმნას დამატებითი საგარანტიო რესურსი 150 მილიონი დოლარის ფარგლებში, რომელიც საჭიროების შემთხვევაში მიზანმიმართული იქნება ბანკების მიერ ამ 400 მილიონი დოლარის დაფარვაში. იმ შემთხვევაში თუ მოხდება ამ თანხის გამოყენება პროექტის მიერ ათვისებული თანხა დროთა განმავლობაში პროცენტიში კომერციული პირობებით იქნება უკან გასტუმრებული. ეს არის მექანიზმი, რომელსაც ჩვენ მათ ვთავაზობთ." - განაცხადა ახვლედიანმა.

ამასთანავე, მან აღნიშნა, რომ არც ერთმა მხარემ არ დაუშვას პროექტის იურიდიულ დავაში გადაზრდა, რადგან ეს ხელს შეუშლის მისი განხორციელების პროცესს.

"არ უნდა დაუშვას არც ერთმა მხარემ, რომ ეს პროექტი გადაიზარდოს იურიდიულ დავაში, საერთაშორისო იურიდიულ დავაში. ეს ნიშნავს, რომ პროექტი გაჩერდება გაურკვეველი ვადით და ქვეყნის საინვესტიციო გარემო უაღრესად დაზიანდება. ჩვენ, „ანაკლიის განვითარების კონსორციუმი“ მზად ვართ, გავაკეთოთ ყველაფერი, რათა პროექტი მივიდეს დასასრულამდე“, – განაცხადა ახვლედიანმა.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის