„ნაციონალური მოძრაობის“ ერთ-ერთი ლიდერი, რომან გოცირიძე არ გამორიცხავს, რომ სახელმწიფო უწყების, არასამთავრობო ორგანიზაციების და მედიასაშუალებების საიტებზე განხორციელებული კიბერშეტევის უკან "ქართული ოცნება" დგას. 

მისი განმარტებით, კიბერშეტევის დროს გამოიყენეს საქართველოს მესამე პრეზიდენტის მიხეილ სააკაშვილის ფოტო, იმისათვის, რომ შემდგომ ფაქტი, „ნაციონალურ მოძრაობას“ გადააბრალონ.

„კარგი იუმორი ჰქონია ჰაკერს. ვინაიდან, მიშას დაბრუნების შიში ისედაც არსებობს და ახლა უკვე შიში ყველას საკუთარ კომპიუტერებში მიუვიდა, ვგულისხმობ მაღალჩინოსნებს. შესაძლებელია, მათმა „ტროლების ფაბრიკამ“ გააკეთა, რომ შემდეგ გადააბრალონ „ნაციონალურ მოძრაობას“ ან მიშას, უკრაინიდან“, - განაცხადა რომან გოცირიძემ.

აღსანიშნავია, რომ მანამდე საინფორმაციო სამსახურის უფროსმა, წამყვანმა ირაკლი ჩიხლაძემ განაცხადა, რომ „იმედსა“ და „მაესტროზე“ მაუწყებლობა შეჩერდა. 

ცნობისთვის, სახელმწიფო უწყებების, სასამართლოების, მედიისა და არასამთავრობოების ვებ-საიტებზე ჰაკერული თავდასხმა მოხდა. მომხდართან დაკავშირებით შინაგან საქმეთა სამინისტორმ გამოძიება დაიწყო. 

მოამზადა ლანა მრავლაძემ

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის