აჭარის ავტონომიურ რესპუბლიკაში ოფიციალური ვიზიტით სილეზიის სეიმიკის საპარლამენტო დელეგაცია იმყოფება.

დღეს აჭარის ავტონომიური რესპუბლიკის ჯანმრთელობისა და სოციალური დაცვის სამინისტროში, დელეგაციის წევრებს, მინისტრმა ზაალ მიქელაძემ უმასპინძლა.

შეხვედრაზე მხარეებმა ჯანმრთელობის დაცვის სფეროში არსებული და სამომავლო თანამშრომლობა განიხილეს. შეხვედრას მინისტრის მოადგილეები, ნინო ნიჟარაძე, ზურაბ თენიეშვილი, აჭარის ავტონომიური რესპუბლიკის საზოგადოებრივი ჯანდაცვის ცენტრის ხელმძღვანელი, რუსუდან შავიშვილი და ქ. ბათუმის რესპუბლიკური კლინიკური საავადმყოფოს დირექტორი, მალხაზ ხალვაში ესწრებოდნენ. სილეზიის დელეგაცია, სეიმიკის თავმჯდომარის იან კავულოკის მეთაურობით, აჭარის ავტონომიურ რესპუბლიკას თანამშრომლობის გაღრმავების მიზნით ეწვია და მის შემადგენლობაში, საკანონმდებლო ორგანოს წარმომადგენლები, სილეზიის ფონდის ხელმძღვანელი და სავოევოდოს ვიცე-მარშალი ვოიცეხ კალუჟა შედიან.

სილეზიის დელეგაციას აჭარის ავტონომიური რესპუბლიკის უმაღლესი საბჭო მასპინძლობს.  მხარეებს შორის გაფორმდა მემორანდუმი. დოკუმენტი, რომელსაც ორი მეგობარი ქვეყნის რეგიონული საკანონმდებლო ორგანოების თავმჯდომარეებმა - დავით გაბაიძემ და იან კავულოკმა მოაწერეს ხელი, ევროინტეგრაციის, ეკონომიკის, ტურიზმის, განათლების, კულტურის, ჯანდაცვისა და სხვა სფეროებში თანამშრომლობის ხელშეწყობას ითვალისწინებს. 4-დღიანი ვიზიტის ფარგლებში, დაგეგმილია დელეგაციის შეხვედრები რეგიონის ხელისუფლების წარმომადგენლებთან. ამასთან, პოლონელი სტუმრები გაეცნობიან რეგიონის ღირსშესანიშნაობებსა და პოტენციალს.

(NS)

ავტორი: ექსპრესნიუსი,

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში