ცხვირის ოპერაციამდე გარდაცვლილი გოგონას ოჯახი: ყველაფერი დიდი დოზა ნარკოზის ბრალია, ბავშვი ჯანმრთელი იყო

2019-09-18 11:52:04, 1642 ნახვა

საზოგადოება

რუსთავში, ცხვირის ოპერაციამდე, ნარკოზის გაკეთების შემდეგ გარდაცვლილი 19 წლის გოგოს ოჯახი საავადმყოფოს ექიმებს ადანაშაულებს.

როგორც ოჯახის წევრები აცხადებენ, გოგონა სრულიად ჯანმრთელი იყო და მას არაფერი აწუხებდა. მათივე ვარაუდით, ექიმებმა დიდი დოზით ნარკოზი გაუკეთეს, რამაც ლეტალური შედეგი გამოიწვია.

"ბავშვი მოგვიკლეს, 18 წლის უმწიკლო გოგო. მოგვიკლეს ჯერ კიდევ მაშინ, როცა ოპერაცია არ იყო დაწყებული. ცხვირის ძგიდე ჰქონდა გასაკეთებელი, ვერ სუნთქავდა ბავშვი. ნარკოზში მოკლეს ბავშვი. ალბათ მისცეს დიდი დოზა", - აცხადებს გარდაცვლილის ბებია "ინფორუსთავთან" საუბარში.

ოჯახის ახლობლის თქმით, ახალგაზრდას დილით სინჯი აუღეს და საოპერაციოდ დაახლოებით 40 წუთში შეიყვანეს.

"ექიმმა უთხრა ყველანაირად ჯანმრთელი ხარო. ალერგია მისცა, როგორც კი, გაუკეთეს ნემსი. 10 წუთი სუნთქვა შეუჩერდა", - დასძინა ოჯახის წევრმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან