შუახევში, თაგინურის მიმდებარე ტერიტორიაზე მე-8 ფოლკლორული ფესტივალი ,,ჯვარიმინდორი” გაიმართა.

ფესტივალზე, ჭვანის ხეობისთვის დამახასიათებელი ფოლკლორი და ტრადიციული ყოფაცხოვრების ამსახველი ნიმუშები იყო წარმოდგენილი. მოეწყო ხელნაკეთი ნივთების, ადგილობრივ მეწარმეთა მიერ წარმოებული ღვინის, თაფლის, ჭაჭისა და სოფლის მეურნეობის პროდუქტების გამოფენა- გაყიდვა.

სპეციალურად ღონისძიებისთვის შუახევის ყოფა - ცხოვრებისა და ტრადიციების ამსახველი ფოტო - მასალაც გამოიფინა.

ღონისძიებაში კულტურის ცენტრთან არსებული ანსამბლები და მოწვეული ჯგუფები მონაწილეობდნენ.  პარალელურად, სპორტული აქტივობებიც მიმდინარეობდა.

ფესტივალში ადგილობრივებთან ერთად, გალობის უნივერსიტეტისა და ფოლკლორის ცენტრის წარმომადგენლები, ასევე, აჭარიდან თურქეთში გადასახლებული ქართველების შთამომავლები მონაწილეობდნენ.

ფესტივალი მუნიციპალიტეტის მხარდაჭერითა და ,,საზოგადოება ჭვანელი“-ს ინიციატივით, 2012 წელს დაფუძნდა.

ღონისძიების მიზანს, კუთხის კულტურის - ჭვანის ხეობისათვის დამახასიათებელი ფოლკლორისა და სამთო ტურიზმის პოპულარიზაცია, ასევე, ტურისტული მარშრუტების მარკირება წარმოადგენს.

ტრადიციის თანახმად, ფოლკლორული ფესტივალი ,,ჯვარიმინდორი“ ყოველი წლის 28 აგვისტოს, წმინდა მარიამის მიძინების დღეს იმართება.

(NS)

ავტორი: ექსპრესნიუსი,

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში