„გაზისა და ელექტროენერგიის ტარიფები არ გაიზრდება,  მე ასეთი რწმენა მაქვს შინაგანი, შარშანაც ჩემმა შინაგანმა რწმენამ აბსოლუტურად გაამართლა“, - ასე უპასუხა ეკონომიკის მინისტრმა ნათია თურნავამ კითხვას იმის თაობაზე, მოსალოდნელია თუ არა გაზისა და ელექტროენერგიის ტარიფების ზრდა.

თურნავას განცხადებით, საქსტატის მონაცემების მიხედვით, ივლისის თვეში წინა თვესთან შედარებით არათუ ინფლაცია, არამედ დეფლაცია მოხდა.

„საქსტატის მონაცემებზე დაყრდნობით მინდა ვთქვა, რომ ივლისის თვეში სრული წლიური  ინფლაციის დონე არის 4.6%, რაც ზომიერი მაჩვენებელია და უფრო მეტიც - თამბაქოს პროდუქტების გამოკლებით, და იქ იცით, რომ აქციზის გაზრდამ იქონია გარკვეული ზემოქმედება, ინფლაციის დონე 3.9%-ია, ანუ, საკმაოდ დაბალი. უშუალოდ, ივლისის თვეში, წინა თვესთან შედარებით, დეფლაცია მოხდა.  ასე რომ მინდა მოგიწოდოთ, ნუ შევქმნით ნეგატიურ მოლოდინებს - გაზისა და ელექტროენერგიის ტარიფები არ გაიზრდება.  მე ასეთი რწმენა მაქვს შინაგანი, შარშანაც ჩემმა შინაგანმა რწმენამ აბსოლუტურად გაამართლა. შარშანაც, ახალ წლამდე იყო მცდელობა და სხვადასხვა განცხადებები, წამოძახილები, რომ გაზის ფასი გაიზრდება, ტარიფები გაიზრდება და ეს არა თუ არ გამართლდა, არამედ, გაზის ტარიფები შემცირდა. ასე რომ, შეგიძლიათ სრულიად გვენდოთ ამ თვალსაზრისით“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ