საჯარო რეესტრის ეროვნულ სააგენტოს სომხეთის რესპუბლიკის უძრავი ქონების კადასტრის კომიტეტის დელეგაცია ეწვია.

კომიტეტის წევრებს საჯარო რეესტრის ეროვნული სააგენტოს თავმჯდომარე ივანე ცარციძე  და საერთაშორისო ორგანიზაციებთან ურთიერთობის განყოფილების უფროსი მარი ხარძიანი შეხვდნენ. მათ სტუმრებს  უძრავი ქონების რეგისტრაციის, ელექტრონული სერვისებისა და  ინოვაციური ტექნოლოგიების დანერგვის მიმართულებით განხორციელებული სამუშაოები, მნიშვნელოვანი პროექტები და სამომავლო გეგმები გააცნეს.

კომიტეტის წარმომადგენლებისთვის საჯარო რეესტრის უძრავი ქონების რეგისტრაციის დეპარტამენტში, კადასტრის უზრუნველყოფისა და სკანირების სამსახურში საინფორმაციო ტური მოეწყო, რომლის მეშვეობითაც სტუმრები მონაცემების დიგიტალიზაციის, დოკუმენტების დასკანერების, არქივირებისა და ინფორმაციის შენახვა/გაცემის პროცესებს გაეცნენ.

გარდა ამისა,  სომხეთის რესპუბლიკის უძრავი ქონების კადასტრის კომიტეტის დელეგაციის წევრებმა საჯარო რეესტრის არქივის შენობა დაათვალიერეს, სადაც ქაღალდის დოკუმენტები ცენტრალიზებულად და საერთაშორისო სტანდარტების დაცვით უსაფრთხოდ ინახება.

სამდღიანი ვიზიტის ფარგლებში დელეგაციის წევრები გორში საჯარო რეესტრის ეროვნული სააგენტოს შიდა ქართლის რეგიონულ ოფისსაც ეწვივნენ და ტერიტორიული  სამსახურის სპეციფიკას ადგილზე გაეცნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს