ფრაქცია „ქართული ოცნება - მრეწველების“ თავჯდომარე გოგი თოფაძე  გარემოსა და ბუნებრივი რესურსების დაცვის სამინისტროს უშედეგოს უწოდებს. 

როგორც მან პარლამენტის გარემოსა და ბუნებრივი რესურსების დაცვის კომიტეტის სხდომაზე განაცხადა, გარემოს დაცვის ყოფილმა მინისტრმა ელგუჯა ხოკრიშვილმა საქართველოში გენმოდიფიცირებული სოიოს შემოტანაზე ბრძანების გამოცემით ევროკავშირის პრინციპები დაარღვია და მის წინააღმდეგ საქმე აღიძვრება.

„ასეთი უშედეგო სამინისტრო, როგორიც დღეს არის გარემოს დაცვის სამინისტრო,  სხვას ვერ ჩამოვთვლი და ბევრ მაგალითს მოვიყვან, როცა კანონსაწინააღმდეგოდ მოქმედებენ და კონსერვატიულად. რაც რეალურად უნდა გაკეთდეს ბიზნესის მხრივ სამწუხაროდ არ კეთდებოდა. ევროკავშირის ასოცირებაზე ვსაუბრობთ სულ იქითკენ მივდივართ, მაგრამ თქვენთვითონ ღებულობთ კანონს, რომელიც ეწინააღნდგეება ევროკავშირის პრინციპებს და ამას აკეთებს თქვენი ყოფილი მინისტრი, რომელიც კანონს არღვევს და აღიძვრება საქმე ძალიან მალე, რომელმაც თავისი ბრძანებით საშუალება მისცა ასობით ტონა გენმოდიფიცირებული ორგანიზმები შემოსულიყო საქართველოში. რა შედეგს მოიტანს ეს,  როცა ვსაუბრობთ ევროკავშირის ასოცირებაზე?!  ნახეთ, ინტერნეტი ყველას გაქვთ,  რა ამბავი ატყდა 23 მაისს შემდეგ ევროპაში.  ამას მთელი მსოფილიო აღუდგა წინ. იმედი გვაქვს, რომ ახალი მინისტრი ამას გამოასწორებს“, - აღნიშნა თოფაძემ. 

ამასთან, მისივე თქმით, 2010 წელს 6 კომპანიას კახეთში ტყის გამოყენებაზე ლიცენზია აქვს მიღებული, რომლებსაც ხის მასალა ჩინელების ქარხანაში გააქვთ. 

“გარემოს დაცვის სამინისტრო ბრძანდებით და გარემოზე ზეგავლენაზე ბევრი ისაუბრეთ. მორები წლობით იჩეხებოდა და რა ტრაგედია მოჰყვა ამას კარგად იცით. მაშინ ამის წინააღმდეგ თქვენი სამინისტო აქტიური არ იყო. 2010 წელს, ექვს კომპანიას კახეთში ტყის გამოყენებაზე ლიცენზია მიცემული აქვს და როდის შემოამოწმეთ ბოლოს, ვისაც ეს აბარია? 6 კომპანიას ქუთაისში ჩინელების ქარხანაში ხე-ტყე გააქვს  და არც ერთი არ მუშაობს კახეთზე. იმასაც გეტყვით, არ დავმალავ, ჩვენ გვაქვს თანამედროვე წარმოება კახეთში, ალბათ ასეთი საქართველში არც არის. ცხრა თვე ამუშავებს ეს წამორმოება და  1მილიონ 200 ათასი შეიტანა ბიუჯეტში.  90 % წარმოებული იყო საექსპორტოდ -  ჩინეთი,  იაპონია,  იტალია.  სად არ მიდიოდა. მეშვიდე წელია ეს წარმოება გაჩერებულია და არ მუშაობს“, - განაცხად გოგი თოფაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს