საბურთალოს რაიონში, ინფრასტრუქტურული პროექტების ფარგლებში, ცინცაძის ქუჩაზე N79, N83 და N85 კორპუსების მიმდებარედ, სკვერების რეაბილიტაცია განხორციელდა.

პროექტის თანახმად, სამივე სკვერში განთავსდა შესაბამისი ინვენტარი, მოეწყო საფეხმავლო ბილიკები, საბავშვო გასართობი ზონები, სადაც სხვადასხვა სახის ატრაქციონი განთავსდა და გარე განათების ბოძები დამონტაჟდა. ასევე, სკვერებში დაიგო რულონური ბალახი.

განახლებული სკვერები საბურთალოს რაიონის გამგებელმა გაიოზ ვასაძემ, საკრებულოს მაჟორიტარ დეპუტატ დავით უთმელიძესთან ერთად დაათვალიერა.

„ცინცაძის ქუჩაზე მოსახლეობისთვის ძალიან მნიშვნელოვანი პროექტი - სამი სკვერის რეაბილიტაცია განხორციელდა. განახლებული დასასვენებელი სივრცეებით დაახლოებით, 276 ოჯახი ისარგებლებს. ჩვენთვის მსგავსი სივრცეების მოწყობა განსაკუთრებით მნიშვნელოვანია. მიმდინარე წელს საბურთალოს რაიონში კიდევ  არაერთი სკვერის რეაბილიტაციაა დაგეგმილი“, - განაცხადა გაიოზ ვასაძემ.

სამივე სკვერის რეაბილიტაცია საბურთალოს გამგეობის ბიუჯეტიდან 257 757  ლარით დაფინანსდა. სამუშაოები კომპანიამ „გრინსერვისი+“ შეასრულა.

(NS)

ავტორი: ექსპრესნიუსი,

სოციალური ქსელები

ანტიკორუფციულმა ორგანოებმა ზელენსკის ოფისის უფროსის მოადგილის სახლში ჩხრეკა ჩაატარეს

მიხაილ ფედოროვმა უკრაინაში არჩევნების ჩატარება მოითხოვა

ტრამპს ჩრდილოეთ კორეის ლიდერთან შეხვედრა შემოდგომაზე სურს

შეერთებულმა შტატებმა საერთაშორისო სისხლის სამართლის სასამართლოს პრეზიდენტის წინააღმდეგ სანქციები დააწესა