შს მინისტრის მოადგილე ხორავას საქმეზე: ვისმეჯელებთ დანაშაულში სხვა პირთა თანამონაწილეობაზე

2019-06-03 13:44:41, 1257 ნახვა

საზოგადოება

შინაგან საქმეთა მინისტრის მოადგილე ვლადიმერ ბორცვაძე ხორავას ქუჩაზე მომხდარი მკვლელობის საქმეზე სააპელაციო სასამართლოს გადაწყვეტილებას გამოეხმაურა.

როგორც ბორცვაძემ აღნიშნა, შსს გადაწყვეტილების სამოტივაციო ნაწილს გაეცნობა და დანაშაულში სხვა პირთა თანამონაწილეობაზე მხოლოდ ამის შემდეგ იმსჯელებს.

"აუცილებლად ჩატარდება დღევანდელი გადაწყვეტილების აღწერილობით და სამოტივაციო ნაწილში არსებული გარემოებების ირგვლივ შესაბამისი საგამოძიებო მოქმედებები და აუცილებლად ვიმსჯელებთ, შესაძლო სხვა პირთა თანამონაწილეობაზე ამ სისხლის სამართლის საქმესთან მიმართებაში. კონკრეტული პირების და სახელებისა და გვარების დასახელებისგან თავს შევიკავებთ, მანამ სანამ არ გავეცნობით სააპელაციო სასამართლოს დღევანდელ გადაწყვეტილებას“, - განუცხადა ბორცვაძემ ჟურნალისტებს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან