ადვოკატი - იტალიის ციხეში, საქართველოს მოქალაქეს სცემეს და გაუპატიურებით ემუქრებიან

2019-05-30 15:01:35, 972 ნახვა

საზოგადოება

იტალიის ციხეში, საქართველოს მოქალაქე სცემეს და გაუპატიურებით ემუქრებიან, - ამის შესახებ ინფორმაციას "რუსთავი 2" დაკავებულის ადვოკატებზე დაყრდნობით ავრცელებს.

როგორც ადვოკატები აცხადებენ, მათი დაცვის ქვეშ მყოფს იმ დანაშაულის აღიარებას აიძულებენ, რაც დაცვის მხარის მტკიცებით მას არ ჩაუდენია.

"ევროპის ცენტრში, იტალიაში ქურდობის მცდელობის ბრალდებით 2018 წელს ანტონ ჭელიძე დააკავეს. დაკავება ძალის გადამეტებით მოხდა და ორივე მხარემ დაზიანება მიიღო. იმის გამო, რომ არ აღიარა დანაშაული, უთხრეს, რომ დაისჯებოდა. გადაიყვანეს იზოლატორში, მოხდა წამება. შელახეს მისი ღირსება. ის მზად არის ნებისმიერი სამართლიანი სასჯელისთვის, ოღონდ ღირსება დაიცვას. არაადამიანური წამების მსხვერპლია ციხის თანამშრომლებისგან. სხეულზე აქვს დაზიანებები, თვითმკვლელობა, სცადა. ყველას ვალდებულებაა დავიცვათ უდანაშაულო ადამიანი", - განაცხადა ადვოკატმა ლედი ტუკვაძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან