პარლამენტის თავჯდომარის დავით უსუფაშვილის განცხადებით, შინაგან საქმეთა სამინისტროს რეფორმის საკანონმდებლო პაკეტის მიმართ დიდი ინტერესია.

როგორც მან ბიუროს სხდომაზე აღნიშნა, აღნიშნული პროექტის განხილვა, მეორე მოსმენით, მიმდინარე კვირას არის დაგეგმილი.

პარლამენტის თავჯდომარე ყველა დაინტერესებულ მხარეს მიმართავს, შსს-ს რეფორმასთან დაკავშირებით კანონპროექტის განხილვაში აქტიური მონაწილეობა მიიღონ.

“მივმართავ ყველას, ვისაც აღნიშნული საკითხი აინტერსებს, აქტიური მონაწილეობა მიიღოს პროექტის განხილვაში, ვინაიდან პირველი მოსმენისას ავტორებმა ბევრი მოსაზრება გაიზიარეს. მეორე მოსმენით საკითხის განხილვა კომიტეტში ამ კვირას არის დაგეგმილი. მინდა ყველას მივმართო , ვისაც თემის მიმართ აქვს ინტერესი, აქტიური მონაწილეობა მიიღონ განხილვის პროცესში და მხოლოდ ზოგადი განცხადებებით ნუ შემოვიფარგლებით – კარგი თუ ცუდი წარმოდგენილი პროექტი. ხდება სამართალდამცავი სისტემის ძალიან მნიშველოვანი რეფორმა და დაინტერესებული ვართ, გავიზიაროთ ყველა დასაბუთებული მოსაზრება. პარლამენტში კანონპროექტები იმიტომ ინხილება, რომ განხილვის პროცესში დავხვეწოთ ყველა საკითხი, რომელზეც დასაბუთებული მოსაზრება გამოითქმევა”, - აღნიშნა უსუფაშვილმა.

ცნობისთვის, „სახელმწიფო უსაფრთხოების სამსახურის შესახებ" კანონპროექტი, რომელსაც დეპუტატებმა პირველი მოსმენით მხარი დაუჭირეს, შინაგან საქმეთა სამინისტროს გაყოფასა და საპოლიციო და სახელმწიფო უსაფრთხოების ფუნქციების ერთმანეთისგან გამიჯვნას ითვალისწინებს.

კერძოდ, შსს-ში დარჩება ყველა პოლიციური დანაყოფი, ხოლო უშიშროება სახელმწიფო უსაფრთხოების სამსახურში გადავა. სახელმწიფო უსაფრთხოების სამსახურის ხელმძღვანელს მთავრობას პრემიერი წარუდგენს, მთავრობის თანხმობის შემთხვევაში კი, პარლამენტი განიხილავს და უმრავლესობით 6 წლის ვადით დაამტკიცებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”