სსგს ამომრჩეველთა სიის ფორმირებასთან დაკავშირებით, სტატისტიკურ მონაცემებს კიდევ ერთხელ აქვეყნებს

2019-05-19 10:37:44, 1013 ნახვა

საზოგადოება

საქართველოს პარლამენტის შუალედური და მუნიციპალიტეტების მერების რიგგარეშე არჩევნებთან დაკავშირებით, სახელმწიფო სერვისების განვითარების სააგენტო განცხადებას ავრცელებს.

როგორც განცხადებაშია აღნიშნული, ამომრჩეველთა სიის ფორმირებასთან დაკავშირებით სააგენტომ 25 აპრილს უკვე გამოაქვეყნა სტატისტიკური მონაცემები, სადაც ასახულია ინფორმაცია საქართველოს სრულწლოვანი მოქალაქეების ზუგდიდის, ზესტაფონის, მარნეულისა და ჭიათურის მუნიციპალიტეტებში, ასევე მთაწმინდის საარჩევნო ოლქში რეგისტრაციის შესახებ.

მაღალი საზოგადოებრივი ინტერესიდან გამომდინარე, სერვისების განვითარების სააგენტო კიდევ ერთხელ აქვეყნებს განახლებულ სტატისტიკურ ინფორმაციას.

2019 წლის 1 იანვრიდან 3 მაისამდე
მუნიციპალიტეტი	მანამდეც ამავე მუნიციპალიტეტში იყო რეგისტრირებული	გადარეგისტრირდა სხვა მუნიციპალიტეტიდან
ზესტაფონი	101	90
ზუგდიდი	238	138
თბილისი/მთაწმინდა	332	424
მარნეული	192	57
ჭიათურა	105	122
ხულო	25	59

იმის გათვალისწინებით, რომ სსგს-მ ცესკოს ამომრჩეველთა სიის ფორმირებისათვის საბოლოო მონაცემები 3 მაისს გადასცა, ცხრილში ასახულია ზუგდიდის, მარნეულის, ჭიათურის და ზესტაფონის მუნიციპალიტეტებში, ასევე მთაწმინდის ოლქში 1 იანვრიდან 3 მაისამდე რეგისტრირებული მოქალაქეების რაოდენობა.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,