ოლიმპიური ცეცხლის  ჩირაღდანი დღეს ფოთში ჩაიტანეს.

მალთაყვაში, დიდების მემორიალთან ოლიმპიურ ჩირაღდანს ადგილობრივი ხელისუფლების, საზოგადოების სხვადასხვა სფეროს წარმომადგენლები და სპორტსმენები დახვდნენ.

ოლიმპიურმა ჩირაღდანმა გურიისა და აკაკის ქუჩები გაიარა, მარშრუტი რუსთაველის რკალზე, ფოთის ვალერიან გუნიას სახელობის სახელმწიფო  თეატრთან დასრულდა, სადაც საზეიმო კონცერტი მოეწყო. მაყურებლის წინაშე ადგილობრივი შემსრულებლები წარსდგნენ.

ოლიმპიური ცეცხლის შემოსვლის საზეიმო ცერემონიალის მონაწილეებს მიესალმნენ და ქართველ სპორტსმენებს ეს მნიშვნელოვანი მოვლენა მიულოცეს ქალაქის მერმა ირაკლი კაკულიამ  და საკრებულოს თავმჯდომარემ ალექსანდრე თოფურიამ. მათ წარმატებული ფოთელი სპორტსმენები, ოლიმპიური ცეცხლის მცველები და მეჩირაღდნეები საზეიმო ვითარებაში სიგელებით დააჯილდოვეს.

ოლიმპიური ცეცხლი ფოთს ხვალ  დილით დატოვებს.

ახალგაზრდული ოლიმპირი ფესტივალი ევროპის ოლიმპიური კომიტეტის გადაწყვეტილების, 1991 წლიდან ტარდება ყოველ ორ წელიწადში ერთხელ ევროპის ქალაქებში.

მე-13 ევროპის ახალგაზრდული ოლიმპიური ფესტივალი თბილისში, 26 ივლისიდან 2 აგვისტომდე გაიმართება. ფესტივალის განმავლობაში თბილისს 50 ქვეყნის 3800 მონაწილე ესტუმრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა

Reuters: ტრამპმა ნატოს ლიდერებს განუცხადა, რომ აშშ ალიანსში დარჩენას აპირებს

თიბისი კაპიტალმა მაკროეკონომიკური განახლება გამოაქვეყნა

თიბისის მხარდაჭერით, ლაგოდეხი ბლუზის მე-10 საერთაშორისო ფესტივალს უმასპინძლებს