თემირლან მაჩალიკაშვილის დედა ვახტანგ გომელაურთან შეხვედრას ითხოვს

2019-05-07 16:53:55, 1088 ნახვა

საზოგადოება

პანკისის სპეცოპერაციის დროს მოკლული, თემირლან მაჩალიკაშვილის დედა მედიკო მარგოშვილი სუს-ის უფროსთან, ვახტანგ გომელაურთან, შეხვედრას ითხოვს.

ის სახელმწიფო უსაფრთხოების სამსახურის შენობასთან იმყოფება.

როგორც თემირლან მაჩალიკაშვილის დედა აცხადებს, მას იმედი არ აქვს გომელაურთან შეხვედრას, თუმცა, მაინც ელის უსაფრთხოების სამსახურისგან პასუხს.

ცნობისთვის, მალხაზ მაჩალიკაშვილი სახელმწიფო უსაფრთხოების სამსახურში გამოკიხვაზე დღეს იყო დაბარებული, თუმცა, არ მივიდა. მისი თქმით, რამადანის მნიშვნელობიდან გამომდინარე, მისმა ადვოკატებმა სახელმწიფო უსაფრთხოების სამსახურს მიმართეს და გამოკითხვის გადადება რამადანის დასრულებამდე ითხოვეს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან