7 მაისს 12:00 საათზე თელავის ტექნოპარკში (მისამართი: თელავი, რუსთაველის გამზირი #11), გაიმართება შეხვედრა პროგრამის „ინტერნეტი განვითარებისათვის“ ფარგლებში, რომლის მიზანია ხელი შეუწყოს ინტერნეტის გავრცელების პროცესსა და ელექტრონული წიგნიერების გავრცელებას რეგიონებში.

პროგრამის ფარგლებში მაღალმთიან რეგიონებში მაცხოვრებელ ოჯახებს, რომლებიც დარეგისტრირებულები არიან სოციალური მომსახურების სააგენტოში და ვისი სარეიტინგო ქულა არ აღემატება 100 000-ს, შესაძლებლობა ეძლევათ მიიღონ ინტერნეტში ჩართვის ერთჯერადი ვაუჩერი. ასევე - რეგიონებში მოქმედ საწარმოებს პროგრამის ფარგლებში ჩაუტარდებათ ტრენინგი ელექტრონულ წიგნიერებასა და კომერციაში, რაც გაზრდის აღნიშნული კომპანიების წარმატებული განვითარების შესაძლებლობებს ციფრული და ონლაინ რესურსების გამოყენების  შედეგად.

აღნიშნული სამიზნე აუდიტორია, განსაკუთრებით კი - მაღალმთიან რეგიონებში მცხოვრები ოჯახები, შედარებით მოკლებულნი არიან შესაძლებლობას სამაუწყებლო თუ სოციალური მედიის მეშვეობით გაეცნონ ინფორმაციას მსგავსი პროგრამების შესახებ, ტარდება შეხვედრების სერია ადგილობრივი მუნიციპალიტეტების ჩართულობით, რათა გავავრცელოთ ინფორმაცია და მოვიზიდოთ ის პირები და ოჯახები, რომლებიც პროგრამის მოთხოვნებს აკმაყოფილებენ და აქვთ შესაძლებლობა მიიღონ აღნიშნული, ინტერნეტში ჩართვის მომსახურება.

შეხვედრას დაესწრება ქალაქ თელავის მერის მოადგილე დავით ბეგიაშვილი.

პროგრამა „ინტერნეტი განვითარებისათვის“ 2017 წლიდან ხორციელდება საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს მიერ და მასში უკვე ჩართულია 300-მდე მეწარმე და 100-მდე ოჯახი.

(NS)

ავტორი: ექსპრესნიუსი,

სოციალური ქსელები

Axios: სომხეთმა გამოაცხადა შეერთებული შტატებისგან თავდაცვის ტექნოლოგიების შეძენის შესაძლებლობა.

ზელენსკიმ ფედოროვთან და სირსკისთან ისაუბრა: გადაწყვეტილებები შემუშავდება

მოსკოვის რეგიონში Wildberries-ის საწყობზე თავდასხმის შედეგად დაშავებულთა რაოდენობამ 60-ს გადააჭარბა

19 ივლისს უმეტეს რეგიონში მოსალოდნელია წვიმა, ელჭექი, სეტყვა