თბილისის მერია აცხადებს, რომ ვერეს ხეობაში „ქართული მანჰეტენის“ მოწყობის პროექტი მათთვის უცნობია.

აღნიშნული პროექტის შესახებ განცხადება ბიზნესპალატის ხელმძღვანელმა ემზარ ჯგერენაიამ გააკეთა, რომლის თქმითაც, ვერეს ხეობაში რეკრეაციული ზონისა და დამბის მშენებლობა, ასევე წყლის ნაპირსამაგრი სამუშაოების წარმოებაა დაგეგმილი, რასაც დაახლოებით 1 400 000 000 ლარი დასჭირდება.

ჯგერენაიამ ასევე განაცხადა, რომ მერიასთან „იდეის დონეზე“ უკვე ჰქონდა ამ პროექტის პრეზენტაცია, თუმცა ეს ინფორმაცია თბილისის მერიამ არ დაადასტურა.

მერიის მიერ გავრცელებულ განცხადებაში ნათქვამია, რომ აღდგენითი სამუშაოების ორგანიზების მიზნით შექმნილი უწყებათაშორისი კომისია აქტიურად მუშაობს, რათა შესაბამისი კვალიფიციური ექსპერტების ჩართულობით შემუშავდეს ვერეს ხეობის შემდგომი განვითარების გეგმა და აღნიშნული კომისიის მორიგი სხდომა თბილისის მერიაში დღეს 20:00 საათზე გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა